«قازگيدرومەت» رمك ەل اۋماعىندا 23 ماۋسىمدا بولاتىن ءقاۋىپتى مەتەورولوگيالىق قۇبىلىستارعا بولجام جاسادى.
سينوپتيكتەردىڭ مالىمەتىنشە، ەل اۋماعىنىڭ باسىم بولىگىندە ءالى دە تۇراقسىز اۋا رايى ساقتالۋدا، اتموسفەرالىق فرونتتاردىڭ وتۋىنەن نايزاعاي ويناپ، جاڭبىر جاۋادى، ەلدىڭ باتىسىندا قاتتى جاڭبىر، داۋىل، بۇرشاق كۇتىلەدى. سونداي-اق رەسپۋبليكا بويىنشا جەل كۇشەيەدى، دەپ حابارلايدى Almaty-akshamy.kz.
«كۇندىز اباي، جەتىسۋ، ۇلىتاۋ، الماتى، جامبىل وبلىستارىندا قاتتى ىستىق ساقتالادى، پاۆلودار، قاراعاندى وبلىستارىندا قاتتى ىستىق كۇتىلەدى.
اقتوبە، الماتى وبلىستارىندا، ۇلىتاۋ وبلىسىنىڭ سولتۇستىگىندە، شىعىسىندا، اباي وبلىسىنىڭ سولتۇستىگىندە، قاراعاندى وبلىسىنىڭ باتىسىندا، ورتالىعىندا، باتىس قازاقستان وبلىسىنىڭ سولتۇستىگىندە، ورتالىعىندا، اقمولا وبلىسىنىڭ باتىسىندا، شىعىس قازاقستان وبلىسىنىڭ وڭتۇستىگىندە، ماڭعىستاۋ وبلىسىنىڭ باتىسىندا، سولتۇستىك-شىعىسىندا، جەتىسۋ وبلىسىنىڭ سولتۇستىگىندە، شىعىسىندا، پاۆلودار وبلىسىنىڭ شىعىسىندا، ورتالىعىندا جوعارى ءورت ءقاۋپى ساقتالادى، اتىراۋ وبلىسىنىڭ باتىسىندا جوعارى ءورت ءقاۋپى بولادى»، — دەپ جازدى ماماندار.
اتىراۋ، تۇركىستان، جامبىل، قىزىلوردا وبلىسىندا، الماتى وبلىسىنىڭ سولتۇستىك جارتىسىندا، ۇلىتاۋ وبلىسىندا، باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ باتىسىندا، وڭتۇستىگىندە، قوستاناي، قاراعاندى وبلىستارىنىڭ وڭتۇستىگىندە جانە اباي وبلىسىندا، جەتىسۋ وبلىسىنىڭ شىعىسىندا، ماڭعىستاۋ وبلىسىنىڭ سولتۇستىگىندە، وڭتۇستىك-شىعىسىندا، ورتالىعىندا توتەنشە ءورت ءقاۋپى بار.