كاتوليكتىك پاسحا – حريستيان ءدىنىنىڭ نەگىزى مەرەكەسى – قۇدايدىڭ ۇلى يسا ءماسىحتىڭ قايتا ءتىرىلۋىن بەينەلەيتىن باستى مەرەكە. پراۆوسلاۆتارداعىداي كاتوليكتىك پاسحا دا كوكتەمدەگى اي تولعان العاشقى جەكسەنبىدە تويلانادى.
كاتوليكتىك پاسحانىڭ الدىنداعى اپتا ۇلى اپتا دەپ اتالادى، ونىڭ ءاربىر كۇنى قاسيەتتى دەپ سانالادى. مەرەكە كۇنى ءداستۇرلى تۇردە تاراتىلاتىن ءتۇرلى تۇسكە بويالعان پاسحا جۇمىرتقالارى جاڭا ءومىردىڭ ماعىناسىن بىلدىرەدى، سونىمەن قاتار يسانىڭ ءقابىرىنىڭ ءپىشىنىن بەينەلەيدى.
پاسحانىڭ نەگىزگى تۇستەرى - اق جانە التىن. امەريكا شىركەۋلەرىنىڭ ءىشىن بۇل كۇنى لالاگۇلدەرمەن بەزەندىرۋ داستۇرگە اينالعان. ەرتە كوكتەمدە العاشقى گۇلدەيتىن اق گۇلدەر سۇلۋلىقتىڭ، تازالىقتىڭ بەلگىسى ىسپەتتى. پراۆوسلاۆيەدەگى سياقتى، كاتوليسيزمدە دە پاسحا - 40 كۇندىك ورازانىڭ اياقتالۋىن بىلدىرەتىن ءدىني مەرەكە.