7 تامىزدا ساعات 5:00-دەن 13:00-گە دەيىن Visa Tour of World Class Almaty 2022 ۆەلوسيپەد جارىسىن وتكىزۋگە بايلانىستى جول قوزعالىسى ءىشىنارا شەكتەلەتىن بولادى دەپ حابارلايدى almaty-akshamy.kz
جىل سايىنعى جەتىنشى Visa Tour of World Class Almaty ۆەلوسيپەد جارىسى بيىل شامامەن 1000-عا جۋىق قاتىسۋشىنى جينايدى. جارىس تاڭعى 8:00-دە 14 كم بالالار قاشىقتىعى ستارتىنان باستالادى.
32 جانە 52 كم قاشىقتىقتارعا قاتىسۋشىلار Mega Almaty سوو-دان شىعىس اينالما اۆتوموبيل جولىمەن (شااج) ادەمى باعدار بويىنشا ءجۇرىپ وتەدى، «Halyk ارەنا» مۇز كەشەنىنەن وتەدى جانە رىسقۇلوۆ داڭعىلىنداعى جول ايرىعىندا كەرى بۇرىلادى. 32 كم قاشىقتىقتاعى اتلەتتەر ءال-فارابي داڭعىلىمەن ءجۇرىپ ءوتىپ، Mega Almaty سوو-دان مارەگە قاراي بۇرىلادى، ال 52 كم قاشىقتىقتاعى قاتىسۋشىلار ءوز باعدارىن ءارى قاراي ساين كوشەسىنەن رىسقۇلوۆ كوشەسىنە دەيىن جالعاستىرادى. ۆەلوسيپەدشىلەر بۇرىلىپ، روزىباكييەۆ كوشەسىنە جەتكەننەن كەيىن ءارى قاراي مارەگە قاراي بەت الادى.
تراسسانىڭ ارتىقشىلىعى – 180 گرادۋستى قۇرايتىن ءسۇيىر بۇرىلىستاردىڭ بولماۋى، بارلىق بۇرىلىستار جاڭا ايىرىقتار بويىمەن سالىنعان، بۇل اۋەسقوي ۆەلوسيپەد شاباندوزداردىڭ باعىتىن جەڭىلدەتەدى.
- ءۇش جىل ىشىندە العاش رەت ءبىز قازاقستاننىڭ جانە كورشى ەلدەردىڭ ۆەلوسپورت اۋەسقويلارى كوپتەن كۇتكەن ۆەلوسيپەد جارىستى وتكىزىپ وتىرمىز. ۇيىمداستىرۋشىلار رەتىندەگى ءبىزدىڭ مىندەتىمىز – جارىس وتەتىن تراسسانىڭ سورەسىنەن باستاپ، بۇكىل ءوتۋ جولىنىڭ قاۋىپسىزدىگىن قامتاماسىز ەتۋ. بيىلعى باعدار بۇرىنعىلاردان وزگەشە. بيىكتىك جوعارىلاعاندىقتان، 34 جانە 57 قاشىقتىقتار بويىنشا كيلومەتراج سايكەسىنشە 32 جانە 52-گە دەيىن تومەندەتىلدى. وسىلايشا، جول قوزعالىسى ءىشىنارا شەكتەلەدى جانە سپورتشىلار جول ۋچاسكەلەرىنەن وتۋىنە قاراي اشىلىپ وتىرادى. ءبىز قالا تۇرعىندارىنىڭ تۇسىنىستىكپەن قاراپ، قولداۋ كورسەتەتىنىنە ۇمىتتەنەمىز، - دەيدى «ءبىرىنشى بولۋ – باتىلدىق» كورپوراتيۆتىك قورىنىڭ ديرەكتورى، «Tour of World Class Almaty» ۆەلوسيپەد جارىسىنىڭ ۇيىمداستىرۋشىسى سالتانات قازىبايەۆا.
كولىك قوزعالىسى مىنا كوشەلەردە شەكتەلەدى:
1) روزىباكييەۆ كوشەسى (شىعىس جانە باتىس جاعى) ليەۆيتان كوشەسىنەن ءال-فارابي داڭعىلىنا دەيىن 05:00-دەن 13:00-گە دەيىن
2) ءال-فارابي داڭعىلى (وڭتۇستىك جاعى) روزىباكييەۆ كوشەسىنەن نازاربايەۆ داڭعىلىنا دەيىن 08:00-دەن 09:30-عا دەيىن
3) ءال-فارابي داڭعىلى (سولتۇستىك جاعى) نازاربايەۆ داڭعىلىنان روزىباكييەۆ كوشەسىنە دەيىن 08:10 باستاپ 11:20 دەيىن
4) شااج (شىعىس جاعى) 09:15-تەن 09:50-گە دەيىن
5) شااج (باتىس جاعى) 09:30-دان 10:40-قا دەيىن
6) ساين كوشەسى (شىعىس جاعى) روزىباكييەۆ كوشەسىنەن رىسقۇلوۆ داڭعىلىنا دەيىن 10:30-دان 11:40-قا دەيىن
7) ساين كوشەسى (باتىس جاعى) رىسقۇلوۆ داڭعىلىنان روزىباكييەۆ كوشەسىنە دەيىن 10:50-دەن 12:00-گە دەيىن
سوڭعى قاتىسۋشى ساعات 13.00-گە دەيىن قاشىقتىقتى وتكەننەن كەيىن اۆتوكولىك قوزعالىسى تولىق قالپىنا كەلتىرىلەدى.
Visa Tour of World Class Almaty ۆەلوسيپەد جارىسىنا جولداردى جابۋ كەستەسى
|
ۋاقىتى |
كوشەلەر |
|
5:00-13:00 |
روزىباكييەۆ كوشەسى (شىعىس جانە باتىس جاعى) ليەۆيتان كوشەسىنەن ءال-فارابي داڭعىلىنا دەيىن |
|
08:00-09:30 |
ءال-فارابي داڭعىلى (وڭتۇستىك جاعى) روزىباكييەۆ كوشەسىنەن نازاربايەۆ داڭعىلىنا دەيىن |
|
08:10-11.20 |
ءال-فارابي داڭعىلى (سولتۇستىك جاعى) نازاربايەۆ داڭعىلىنان روزىباكييەۆ كوشەسىنە دەيىن |
|
09:15-09:50 |
شااج (شىعىس جاعى) |
|
09:30-10:40 |
شااج (باتىس جاعى) |
|
10:30-11:40 |
ساين كوشەسى (شىعىس جاعى) روزىباكييەۆ كوشەسىنەن رىسقۇلوۆ داڭعىلىنا دەيىن |
|
10:50-12:00 |
ساين كوشەسى (باتىس جاعى) رىسقۇلوۆ داڭعىلىنان روزىباكييەۆ كوشەسىنە دەيىن |
قالا تۇرعىندارى مەن قوناقتارىن 7 تامىزعا وزدەرىنىڭ ءجۇرۋ كەستەسى مەن باعدارىن الدىن الا جوسپارلاۋدى سۇرايمىز. جولداردىڭ جابىلۋىن ەسكەرە وتىرىپ، وڭتايلى قوزعالىس باعدارىن 2گيس قوسىمشاسى ارقىلى بەلگىلەپ الۋعا بولادى.
ۆەلوسيپەد جارىستىڭ تيتۋلدىق سەرىكتەسى: Visa
قۇرمەتتى سەرىكتەستەر: Sulpak
ۇيىمداستىرۋشىلار: «ءبىرىنشى بولۋ – باتىلدىق» كورپوراتيۆتىك قورى، «World Class Almaty» فيتنەس-كلۋبى، اكادەميك ش.ەسەنوۆ اتىنداعى ءعىلىمي-بىلىم بەرۋ قورى جانە #سەنىڭجاڭاقىرىڭ مۋلتيسپورتتىق Youtube-ارناسى