ەلدەگى جەكە سوت ورىنداۋشىلاردىڭ وسىعان ۇقساس زاڭ بۇزۋشىلىق فاكتىلەرى تەكسەرىلدى.
پروكۋراتۋرا ورگاندارى جەكە سوت ورىنداۋشىلارىنىڭ رەسپۋبليكالىق پالاتاسىمەن بىرلەسىپ جەكە سوت ورىنداۋشىلارىنىڭ (بۇدان ءارى - جسو) 2021-2022 جىلدارى بورىشكەرلەردەن ءوندىرىپ الىنعان اقشالاي قاراجاتتى ۋاقتىلى جانە تولىق اۋدارۋىنا تەكسەرۋ جۇرگىزدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
الماتى قالاسىندا، سقو، قاراعاندى، پاۆلودار، بقو جانە اقمولا وبلىستارىندا جۇرگىزىلگەن تەكسەرۋلەر جسو ءوندىرىپ الۋشىلاردىڭ شوتتارىنا اۋدارۋعا جاتاتىن 1،1 ملرد تەڭگە مولشەرىندە اقشا ۇرلاۋدىڭ 660 فاكتىسىن انىقتادى.
ماسەلەن، ەلوردالىق جسو اليمەنت بويىنشا جوق قارىزدى ادەيى انىقتاپ، سوت ۇكىمىمەن مەملەكەتتىڭ پايداسىنا تاركىلەنۋگە جاتاتىن 289 ملن تەڭگەنى جەكە تۇلعانىڭ بانكتىك شوتىنان شەشىپ العان. ول بۇل قاراجاتتى استانا قالاسى سوت اكتىلەرىن ورىنداۋ دەپارتامەنتىنىڭ بۇرىنعى باستىعىنا اۋدارعان. وسى قىزمەتى ءۇشىن جسو 10 ملن تەڭگە ۇستاپ قالعان. الماتىلىق جسو جىل بويى بورىشكەرلەردىڭ قاراجاتى ەسەبىنەن ءوزىنىڭ بانكتىك دەپوزيتىن جالپى سوماسى 84 ملن تەڭگەگە 18 رەت تولىقتىرعان.
ناتيجەسىندە ول پايىز تۇرىندە 2 ملن تەڭگە تابىس تاپقان. وسىعان ۇقساس جسو ءوز دەپوزيتىنە 13،6 ملن تەڭگە اۋدارىپ، شامامەن 5 ملن تەڭگەگە جۋىق سىياقى العان. قاراعاندىلىق 7 جسو بورىشكەرلەردىڭ 110 ملن تەڭگە كولەمىندەگى قاراجاتىن جەكە قاجەتتىلىكتەرىنە جۇمساعان. باسقا جاعدايدا، الماتىلىق جسو «جانۇيا» بالالار ءۇيىنىڭ تاربيەلەنۋشىسى كامەلەتكە تولماعان بولگامبايەۆاعا ارنالعان 400 مىڭ تەڭگەنى جەكە ماقساتىندا پايدالانعان.
پاۆلوداردا جسو 3 جىل بويى 520 مىڭ تەڭگەگە ەكى بالانىڭ اليمەنت قاراجاتىن ۇرلاپ وتىرعان. كەيبىر جسو-لار ءوندىرىپ الۋشىلاردىڭ اقشالارىن باسشىلاردىڭ شىعىندارىن جابۋ ءۇشىن پايدالانعان.
باتىس قازاقستان وبلىسىندا جسو وڭىرلىك پالاتانىڭ باسشىسىنا جانە ونىڭ ورىنباسارىنا 1 ملن تەڭگە اۋدارعان. ولاردىڭ باسقا ارىپتەستەرى ايەلدەرى مەن تۋىستارىنا 4،7 ملن تەڭگە بولگەن. اقشا قاراجاتىن ۇرلاۋ مەن ىسىراپ ەتۋدىڭ انىقتالعان فاكتىلەرى بويىنشا سوتقا دەيىنگى 16 تەرگەۋ باستالدى. سونداي-اق قاداعالاۋ اكتىسى بويىنشا 7 جسو ليسەنزياسى الىنىپ قويىلعان، 2 ليسەنزيا توقتاتىلدى، 55 ادام تارتىپتىك جاۋاپكەرشىلىككە تارتىلدى.