جەدەلساتىنى قيراتقان قاراعاندىلىق جازالاندى

ازامات 10 تاۋلىككە اكىمشىلىك قاماۋعا الىنباق

تۇرعىن ءۇي كەشەنىنىڭ بىرىندە ءليفتتى قيراتقان قاراعاندىلىق ون تاۋلىككە اكىمشىلىك قاماۋعا الىندى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.

ۇساق بۇزاقىلىق تۋرالى ءىس قاراعاندى قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتىندا قارالدى. سوتتا وقيعا قاراعاندىداعى سارىارقا كوشەسىندەگى №6 ءۇيدىڭ ليفتىندە بولعانى انىقتالدى.

ليفت ىستەن شىعىپ، توقتاپ قالعاننان كەيىن قۇقىقبۇزۋشى مامانداردى كۇتپەستەن، ءوزىن اگرەسسيۆتى ۇستاپ، ليفت ەسىگىنە زيان كەلتىرگەن، كەيىن ىشىندە ورناتىلعان بەينەباقىلاۋ كامەراسىن بۇزۋعا تىرىسقان. 

«ءوزىنىڭ ىس-ارەكەتىمەن ول اينالاسىنداعىلارعا قۇرمەتسىزدىك كورسەتىپ، قوعامدىق ءتارتىپ پەن جەكە تۇلعالاردىڭ تىنىشتىعىن بۇزدى. سوتتا ول كىناسىن مويىندادى. ونىڭ ارەكەتىن ءىس ماتەريالدارى، بەينەباقىلاۋ كامەراسىنان بەينەجازبا جانە تاعى دا باسقا ايعاقتار راستايدى»، - دەپ حابارلادى قاراعاندى قالاسىنىڭ اكىمشىلىك قۇقىقبۇزۋشىلىق جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتى وكىلدەرى.

ءىستى قاراۋ ناتيجەلەرى بويىنشا، ءتارتىپ بۇزۋشى ۇساق بۇزاقىلىق جاساعانى ءۇشىن كىنالى دەپ تانىلىپ، وعان 10 تاۋلىك مەرزىمگە اكىمشىلىك قاماۋ تۇرىندە جازا تاعايىندالدى. قاۋلى زاڭدى كۇشىنە ەنگەن جوق.