وقيعا الماتى وبلىسىنىڭ ۇشتوبە قالاسىندا بولعان
الماتى وبلىسىنىڭ تۇرعىنى وتباسىلىق جانجالدان كەيىن ايەلىنەن كەشىرىم سۇراۋ ءۇشىن دۇكەننەن گۇل شوعىن ۇرلاپ العان، دەپ حابارلادى Almaty-akshamy.kz الماتى وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
دەپارتامەنت كەلتىرگەن مالىمەتكە سۇيەنسەك، 25 قاراشادا قاراتال اۋدانى ۇشتوبە قالاسىنان شاعىم ءتۇستى. ساتۋشى قوڭىراۋ شالىپ، گۇل دۇكەنىنەن گۇل شوعى ۇرلانعانىن ايتقان. ايەل ۇرىنى ەستە ساقتاپ قالعان. شاقىرتۋ بويىنشا كەلگەن پوليسەيلەرگە ونى سيپاتتاپ بەرگەن.
كوپ ۇزاماي كۇدىكتى ۇستالدى. ول ۇشتوبەنىڭ 32 جاستاعى تۇرعىنى بولىپ شىقتى. ەر ادام اقشاسى جەتپەگەندىكتەن، جارىنان كەشىرىم سۇراۋ ءۇشىن وسىنداي قادامعا بارعانىن مويىندادى.
«ول ايەلىنە گوللانديالىق راۋشان گۇلدەردى سىيلاپ، ونىمەن تاتۋلاسىپ، كىناسىن جۋىپ-شايماق بولعان»، - دەپ مالىمدەدى الماتى وبلىسى پوليسيا دەپارتامەنتىنىڭ باسپا ءسوز قىزمەتى.