بۇگىن ق ر باس پروكۋراتۋراسى قاڭتار وقيعاسى تۋرالى تۇسىنىك بەردى.
ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆتىڭ مالىمدەۋىنشە، قازىرگى ۋاقىتتا پروكۋرورلاردىڭ وتىنىشتەرى بويىنشا قاماۋعا الۋدان 1 149 ادام بوساتىلدى، 577 ءىس بويىنشا ايىپپۇلدار ەسكەرتۋلەرگە اۋىستىرىلدى، 393 اكىمشىلىك ءىس قىلمىستىق قۇرامى بولماۋىنا بايلانىستى تولىعىمەن توقتاتىلدى، دەپ حابارلايدى Almaty-akshamy.kz الماتى ارناسىنا سىلتەمە جاساپ.
«وسىلايشا، سوتپەن اكىمشىلىك قاماۋعا الىنعان 3 314 تۇلعانىڭ ىشىنەن تەك 63ء-ى قاماۋدا قالىپ وتىرعانىنا نازارلارىڭىزدى اۋدارعىم كەلەدى. بۇل رەتتە پروكۋرورلاردىڭ اكىمشىلىك جازانى جەڭىلدەتۋگە ارنالعان تاعى 13 ءوتىنىشحاتى سوتتاردا قارالۋدا. جالپى، وسى جىلدىڭ 25 قاڭتارىنداعى جاعداي بويىنشا، جەدەل تەرگەۋ توپتارىنىڭ وندىرىسىندە 2 044 قىلمىستىق ءىس بار. وسى ىستەر بويىنشا 898 كۇدىكتى ۇستالعان. ولاردىڭ ىشىنەن 802ء-سى سوت سانكسياسىمەن قاماۋعا الىندى، 50-نە ءۇي قاماعى، ال 21 تۇلعاعا كەپىل، 12-نە ەشقايدا كەتپەۋ قولحاتى تاعايىندالدى، 13ء-ى بويىنشا بۇلتارتپاۋ شاراسى تۋرالى ماسەلە قارالۋدا»، - دەدى سپيكەر.
قيلىمجانوۆتىڭ بايانداۋىنشا، پروكۋراتۋرا ورگاندارى قايعىلى وقيعالاردى تەرگەۋ كەزىندە زاڭنىڭ ساقتالۋىن قامتاماسىز ەتەدى.
پروكۋراتۋرا ورگاندارىنا تىيىم سالىنعان تەرگەۋ ادىستەرى جانە قۇقىق قورعاۋ ورگاندارى قىزمەتكەرلەرىنىڭ تەرگەۋ بارىسىندا ازاماتتاردىڭ قۇقىقتارىن بۇزۋ دەرەكتەرى بويىنشا 109 شاعىم ءتۇستى. بيلىكتى جانە لاۋازىمدىق وكىلەتتىلىكتى اسىرا پايدالانۋ تۋرالى 11 شاعىم بويىنشا پروكۋرورلار سوتقا دەيىنگى تەرگەپ-تەكسەرۋدى باستادى. ال قىلمىستىق قۋدالاۋ ورگاندارى پروكۋراتۋرانىڭ نۇسقاۋىمەن 10 قىلمىستىق ءىستى تىركەدى، - دەپ ءتۇسىندىردى باس پروكۋراتۋرا وكىلى وكق-دا.
ونىڭ سوزىنشە، بۇگىنگى كۇنى 21 قىلمىستىق ءىس وندىرىستە. ولاردىڭ 20-سىن سىبايلاس جەمقورلىققا قارسى قىزمەتكەرلەر مەن ارنايى پروكۋرور تەرگەپ جاتىر. سونداي-اق 43 ارىز بويىنشا تەكسەرۋلەر جالعاسىپ جاتىر. 22ء-سى ءوز دالەلدەرىن تاپپادى.