ول ۋاقىتشا ۇستاۋ اباقتىسىنا قاماۋعا الىندى.
تارتىپسىزدىك كەزىندە ۇرلىق جاساعانى ءۇشىن 274 ادام ۋاقىتشا ۇستاۋ اباقتىسىنا قامالدى، دەپ حابارلايدى Almaty-akshamy.kz ق ر ءىىم تەرگەۋ دەپارتامەنتىنىڭ باستىعى سانجار ءادىلوۆتىڭ سوزىنە سىلتەمە جاساپ.
«ۇرلىق پەن توناۋ قىلمىسىن جاساعانى ءۇشىن 274 ادام ۋاقىتشا ۇستاۋ اباقتىسىنا قامالدى. ۇستالعانداردىڭ كىناسى ۇرلانعان تاۋارلار مەن قارۋ تۇرىندەگى الىنعان زاتتاي دالەلدەمەلەرمەن، سونداي-اق بەينەباقىلاۋ كامەرالارىنىڭ جازبالارىمەن، الەۋمەتتىك جەلىلەردەگى روليكتەرمەن، كۇدىكتىلەردىڭ وزدەرىنىڭ ۇيالى تەلەفوندارىنان تابىلعان دەرەكتەرمەن دالەلدەنەدى. مىسالى، 19 قاڭتاردا الماتى قالاسىندا 18 جاستاعى تۇرعىن ۇستالدى. ونىڭ ۇيالى تەلەفونىنان ازىق-تۇلىك دۇكەندەرىنىڭ بىرىندە ۇرلىق جاساعان بەينەجازبا، ۇرلانعان زاتتار اياسىندا «سەلفي» جاساعانى جانە ەڭ سوراقىسى، كوشەدە ءبىر پوليسيا قىزمەتكەرىن توپ بولىپ اياۋسىز ۇرىپ-سوعۋعا قاتىسقانى انىقتالدى. بۇل بەينەجازبالاردىڭ بارلىعىن كۇدىكتىنىڭ ءوزى جاساعان. ول ۋاقىتشا ۇستاۋ اباقتىسىنا قاماۋعا الىندى»، - دەدى س.ءادىلوۆ.