وتان قورعاۋشىلار كۇنى قارساڭىندا قازاقستان رەسپۋبليكاسى ۇلتتىق ۇلانىنىڭ «وڭتۇستىك» وڭىرلىك قولباسشىلىعىنا قاراستى 3650 اسكەري ءبولىمى جاۋىنگەرلىك قىزمەتىن ۇزدىك اتقارعان ساربازداردى ماراپاتتادى.
اسكەري ءبولىمنىڭ اتقىشتار روتاسىنىڭ مىندەتى – «ۇلتتىق ۇلانى تۋرالى» زاڭىنا سايكەس ماڭىزدى مەملەكەتتىك وبەكتىلەردى كۇندەلىكتى كۇزەتۋ جانە قورعاۋ. سونداي-اق، بۇل اسكەري بولىمدە اتقىشتار روتاسىنىڭ مەرزىمدى اسكەري قىزمەتشىلەرى وتان الدىنداعى بورىشىن وتەۋدە. اتقىشتار روتاسىندا اي سايىن مەرزىمدى اسكەري قىزمەتشىلەر مەن مىندەتىن ۇزدىك ورىنداعان ساربازداردى ماراتاپتاۋ داستۇرگە اينالعان.
7 مامىر – وتان قورعاۋشىلار كۇنىنە وراي اتقىشتار روتاسىنىڭ 1-ۆزۆودى 1-بولىمشەسىنىڭ اعا ساربازى (اعا اتقىشى) قاتارداعى تالاپ وڭالبايەۆ جانە اتقىشتار روتاسىنىڭ 2-ۆزۆودى 2-بولىمشەسىنىڭ اعا ساربازى (اعا اتقىشى) قاتارداعى نۇربەك اسەموۆ جاۋىنگەرلىك قىزمەتتى جانە بەرىلگەن تاپسىرمانى ۇزدىك ورىنداعانى ءۇشىن باعالى سىيلىقپەن ماراپاتتالدى.
ءىس-شارا اتقىشتار روتاسىنىڭ كومانديرى، كاپيتان اكىمجان ءاشىر مەن روتا كومانديرىنىڭ تاربيە جانە الەۋمەتتىك قۇقىقتىق جۇمىستار جونىندەگى ورىنباسارى اعا لەيتەنانت ماديار دۇيسەنبەكتىڭ ۇيىمداستىرۋىمەن ءوتتى. 3650 اسكەري ءبولىمىنىڭ تاربيە جانە الەۋمەتتىك قۇقىتىق جۇمىستار جونىندەگى ورىنباسارى پودپولكوۆنيك بايرام الييەۆ قوناق رەتىندە شاقىرىلىپ، جاۋىنگەرلىك قىزمەتتىڭ ۇزدىكتەرى – قاتارداعى 2 ساربازدىڭ اتا-انالارىنا دا العىس حات بەردى.