«تازا قازاقستان» رەسپۋبليكالىق ەكولوگيالىق اكسياسى مەن «الماتى – ءبىزدىڭ ورتاق ءۇيىمىز» ناۋقانىندا جانگەلدين اتىنداعى سكۆەردە ارداگەرلەر اللەياسىنىڭ سالتاناتتى اشىلۋى ءوتتى. اشىلۋ سالتاناتىنا ۇلى وتان سوعىسى مەن ەڭبەك مايدانىنىڭ ارداگەرلەرى، زەينەتكەرلەر قاتىستى. اللەيا اعا بۋىنعا دەگەن ريزاشىلىق پەن قۇرمەت سيمۆولىنا اينالدى.
ءىس-شارا اياسىندا الاڭعا 100-گە جۋىق جاپىراقتى قاراعاش كوشەتى وتىرعىزىلدى. ءىس-شارا قالا تۇرعىندارىن ارداگەرلەر مەن ولاردىڭ ەرلىگىن ساقتاۋ جانە ەسكە الۋ، سونداي-اق وسكەلەڭ ۇرپاقتىڭ ەكولوگيالىق ساناسىن نىعايتۋ ماقساتىندا بىرىكتىردى. مۇنداي باستامالار قالانى ازاماتتىق پاتريوتيزم مەن قورشاعان ورتا ءۇشىن جاۋاپكەرشىلىك رۋحىمەن تولتىرادى، دەپ سانايدى قاتىسۋشىلار.
«حالىق كەز-كەلگەن مەملەكەتتىڭ ءال-اۋقاتى قارتتار مەن بالالارعا دەگەن كوزقاراسپەن ولشەنەدى دەيدى. سوندىقتان بۇگىنگى ءىس-شارا، اسىرەسە ۇلى جەڭىستىڭ 79 جىلدىعى قارساڭىندا وتە ماڭىزدى دەپ سانايمىن. الماتىدا 43 سوعىس ارداگەرى، ال ەڭبەك مايدانىنا قاتىسۋشىلار دا كوپ ەمەس. ءبىزدىڭ جەتىسۋ اۋدانىندا ءبىر ارداگەر - يليا كۋدين گريگوريەۆيچ تۇرادى. مەن ونىڭ بۇگىن وسى مەرەكەگە قوسىلعانىنا وتە قۋانىشتىمىن جانە ريزامىن. سونداي-اق، قالا اكىمدىگىنە العىسىمدى بىلدىرگىم كەلەدى. اللەيانىڭ اشىلۋى ۇرپاقتاردىڭ بىرىگۋىنە جانە پاتريوتتىق قۇندىلىقتاردىڭ قالىپتاسۋىنا ىقپال ەتەدى دەپ سانايمىن»، - دەدى جەتىسۋ اۋدانى ارداگەرلەر كەڭەسىنىڭ ءتوراعاسى تامارا شاكىروۆا.
زەينەتكەر قۇلشارا سيەنوۆا دا ارداگەرلەر اللەياسىنىڭ اشىلۋى تۋرالى ءوز ەموسياسىمەن ءبولىستى:
«مەن وتانىمىزعا قىزمەت ەتكەندەرگە ءدان ريزامىن. ءبىزدىڭ قوعامنىڭ ولاردىڭ ەرلىگىن قۇرمەتتەپ، ەستە ساقتاعانىن كورۋ مەن ءۇشىن ماقتانىش. بۇل اللەيا ءاربىر ادام توقتاپ، ويلانىپ، ماڭىزدى ساباقتار مەن قۇندىلىقتاردى بولاشاق ۇرپاققا جەتكىزە الاتىن ورىنعا اينالادى دەپ سەنەمىن»، - دەدى قۇلشارا سيەنوۆا.
بۇگىندە قالادا ۇلى وتان سوعىسىنىڭ (ۇوس) 43 ارداگەرى تۇرادى. الماتى اكىمى ەربولات دوسايەۆتىڭ تاپسىرماسى بويىنشا ۇوس ارداگەرلەرىنە ءبىرجولعى الەۋمەتتىك كومەكتى 1 ملن تەڭگەگە ۇلعايتۋ تۋرالى شەشىم قابىلداندى. بۇل شەشىمدى قالا ءماسليحاتى قولدادى. 2024 جىلى ارداگەرلەر 2 ملن تەڭگە كولەمىندە ءبىرجولعى كومەك الا الادى.
سونىمەن قاتار، الماتى دارىگەرلەرى وتان قورعاۋشىلار كۇنى ايلىعى اياسىندا ۇوس ارداگەرلەرى ءۇشىن Check-up وتكىزەدى. وسى ناۋقاندى وتكىزۋ ءۇشىن ءاربىر ەمحانا ارداگەرلەرگە بارۋ كەستەسىن ازىرلەدى.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا باننەرلەردە، پلاكاتتاردا ارنايى ورنالاستىرىلعان QR-كود ارقىلى دا كىرۋگە بولادى.
الەۋمەتتىك مەديا ناۋقانىنىڭ بەلسەندى قاتىسۋشىلارىنا ارنالعان حەشتەگتەر:
#الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.