رەسپۋبليكا بويىنشا تۇمان، جەلدىڭ كۇشەيۋى، وڭتۇستىك-باتىستا – شاڭدى داۋىل، وڭتۇستىك وڭىرلەردە-نايزاعاي، بۇرشاق، داۋىل كۇتىلەدى
قازگيدرومەت 25 ساۋىرگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
قازاقستان اۋماعىندا سينوپتيكالىق پروسەستەردىڭ كۇشەيۋىمەن ورتالىقتا، شىعىستا، وڭتۇستىكتە، وڭتۇستىك-شىعىستا جاۋىن-شاشىن، وڭتۇستىك پەن وڭتۇستىك-شىعىستىڭ تاۋلى، تاۋ بوكتەرلى اۋداندارىندا قاتتى جاۋىن – شاشىن (جاڭبىر، قار) كۇتىلەدى.
تەك ەلىمىزدىڭ باتىسى، وڭتۇستىك-باتىسى، سولتۇستىگى، سولتۇستىك-شىعىسى جوعارى قىسىمدى القابىندا بولاتىندىقتان، جاۋىن-شاشىنسىز اۋا رايى ساقتالادى. رەسپۋبليكا بويىنشا تۇمان، جەلدىڭ كۇشەيۋى، وڭتۇستىك-باتىستا – شاڭدى داۋىل، وڭتۇستىك وڭىرلەردە-نايزاعاي، بۇرشاق، داۋىل كۇتىلەدى.
جامبىل وبلىسىنىڭ وڭتۇستىك-باتىسىندا، سولتۇستىك-شىعىسىندا، تاۋلى اۋداندارىندا نايزاعاي، بۇرشاق، داۋىل كۇتىلەدى، جەل 15-20، ەكپىنى 23-28 م/س كۇشەيەدى. تۇندە سولتۇستىكتە، باتىستا، تاۋلى اۋدانداردا، كۇندىز تۇركىستان وبلىسىنىڭ تاۋلى اۋداندارىندا نايزاعاي، بۇرشاق، داۋىل كۇتىلەدى، جەل 15-20 م/س كۇشەيەدى.
الماتى وبلىسىنىڭ وڭتۇستىگىندە، تاۋلى، تاۋ بوكتەرى اۋداندارىندا بۇرشاق، داۋىل، نايزاعاي كۇتىلەدى، جەلدىڭ كۇشى 17-22 م/س. كۇندىز قارعاندى وبلىسىنىڭ وڭتۇستىگىندە نايزاعاي كۇتىلەدى، وبلىستىڭ وڭتۇستىگىندە جەل 15-20، ەكپىنى 25 م/س كۇشەيەدى.
كۇندىز ماڭعىستاۋ وبلىسىنىڭ وڭتۇستىگىندە، باتىسىندا شاڭدى داۋىلمەن 15-20 م/س جەل كۇشەيەدى. تۇندە جانە تاڭەرتەڭ اقمولا وبلىسىنىڭ وڭتۇستىگىندە تۇمان كۇتىلەدى، تۇندە وبلىستىڭ وڭتۇستىگىندە – جەل 15-20 م/س كۇشەيەدى.
تۇندە شىعىس قازاقستان وبلىسىنىڭ سولتۇستىگىندە تۇمان، وبلىستىڭ وڭتۇستىگىندە-جەل 15-20 م/س كۇشەيەدى. تۇندە قىزىلوردا وبلىسىنىڭ ورتالىعىندا جەل 15-20 م/س كۇشەيەدى. باتىس قازاقستان وبلىسىنىڭ سولتۇستىك-شىعىسىندا، تۇندە اتىراۋ وبلىسىنىڭ باتىسىندا – تۇمان.