سوت ۇكىمىمەن شىمكەنت قالاسى دەنە شىنىقتىرۋ جانە سپورت باسقارماسىنىڭ سپورت مەكتەپتەرىنىڭ جاتتىقتىرۋشىلارى بيۋدجەت قاراجاتىن جىمقىرۋ فاكتىسى بويىنشا 1 جانە 2 جىل مەرزىمگە باس بوستاندىعىن شەكتەۋ جازاسىنا سوتتالدى، دەپ حابارلايدى almaty-akshamy.kz شىمكەنت قالاسىنىڭ پروكۋراتۋراسىنا سىلتەمە جاساپ.
سوت تالقىلاۋى بارىسىندا جاتتىقتىرۋشىلار 2022 جىلدان 2023 جىلعا دەيىنگى مەرزىم ارالىعىندا سپورتشىلاردىڭ الماتى، تاراز قالالارى مەن تۇركىستان وبلىسىندا وقۋ-جاتتىعۋ جيىندارىنا بارعانى تۋرالى جالعان جول ءجۇرۋ قۇجاتتارىن ۇسىنىپ، 6 ملن تەڭگەدەن استام قارجىنى جىمقىرعانى انىقتالدى.
مەملەكەتكە كەلتىرىلگەن شىعىن تولىعىمەن وتەلدى.
قۇقىق قورعاۋ ورگاندارى مەملەكەت قارجىسىن ۇرلاۋعا قارسى قىلمىستاردى انىقتاۋ جانە جولىن كەسۋ بويىنشا تۇراقتى جۇمىس جۇرگىزۋدە.