ستۋدەنتتىك جاتاقحانا سالىپ، ستۋدەنتتەردىڭ جاتاقحانادا تۇرۋى ءۇشىن مەملەكەتتەن جىلىنا 67 ملن.تەڭگە الىڭىز
قانداي مەحانيزم؟
كاسىپكەر جاتاقحانالاردى ءوز قاراجاتى ەسەبىنەن سالادى. مەملەكەتتىك تاپسىرىس بويىنشا تولەمدەر قۇرىلىس اياقتالعاننان كەيىن جانە ستۋدەنتتەردىڭ ناقتى تۇرۋى ءۇشىن عانا جۇرگىزىلەدى.
شارتتارى قانداي؟
ءبىر ستۋدەنتكە جاتاقحانا سالۋ كەزىندە 6 جىل ىشىندە جىلىنا 195 اەك تولەنەدى. ءبىر ستۋدەنتكە قايتا قۇرۋ كەزىندە 8 جىل ىشىندە جىلىنا 47 اەك.
6 جىل ىشىندە كاسىپكەر جاڭا ستۋدەنتتىك جاتاقحانا سالۋ ءۇشىن الا الادى:
- ءبىر ستۋدەنت ءۇشىن 4 ملن. تەڭگە؛
8 جىل ىشىندە كاسىپكەر عيماراتتى ستۋدەنتتىك جاتاقحاناعا رەكونسترۋكسيالاعانى ءۇشىن الا الادى:
- ءبىر ستۋدەنت ءۇشىن 1.2 ملن. تەڭگە؛
ياعني، 100 توسەك-ورىنعا ارنالعان ستۋدەنتتىك جاتاقحانا سالۋ كەزىندە مەملەكەت 6 جىل ىشىندە كاسىپكەرگە عيماراتتىڭ امورتيزاسياسى ءۇشىن 403 ملن.تەڭگە تولەيدى.
ستۋدەنتتىك جاتاقحانانى 100 توسەك-ورىنعا رەكونسترۋكسيالاۋ كەزىندە مەملەكەت 8 جىل ىشىندە كاسىپكەرگە عيماراتتىڭ امورتيزاسياسى ءۇشىن 129 ملن.تەڭگە تولەيدى..
بۇل رەتتە، مەملەكەتتىك تاپسىرىس بويىنشا تولەمدەر اياقتالعاننان كەيىن وبەكت كاسىپكەردىڭ مەنشىگىندە قالادى.
تولەمدەر 6 جىل ىشىندە اي سايىن 12 اي، ءتىپتى جاتاقحانادا ستۋدەنتتەر بولماعان جازعى دەمالىس كەزەڭىندە دە تولەنەدى.
مەملەكەتتەن تولەنەتىن تولەمدەردەن باسقا، كاسىپكەر ستۋدەنتتەرگە تۇرۋ ءۇشىن جالداۋ اقىسىن بەلگىلەۋگە قۇقىلى، بۇل ونىڭ كىرىسىنە ەسەپتەلەدى. سونداي-اق، كاسىپكەر ستۋدەنتتىك جاتاقحانادا قوسىمشا تابىس تابۋ ءۇشىن دۇكەن، شاشتاراز جانە ت.ب. كوممەرسيالىق ءۇي-جايلاردى ورناتۋعا قۇقىلى.
جاتاقحانالارداعى ورىن تاپشىلىعى ماسەلەسى بارلىق وڭىرلەر ءۇشىن وزەكتى بولىپ وتىر. ستاتيستيكاعا سايكەس، جاتاقحاناعا مۇقتاج ستۋدەنتتەر سانى 63 مىڭنان اسادى.
1 ورىن – الماتى ق. - 26581
2 ورىن- استانا ق. - 13102
3 ورىن - تۇركىستان وبلىسى-6208
4 ورىن- اقمولا وبلىسى - 3649
5 ورىن- سولتۇستىك قازاقستان وبلىسى – 2791
6 ورىن- اباي وبلىسى-2612
7 ورىن- شىمكەنت ق. - 1485
8 ورىن- قوستاناي وبلىسى – 1360
9 ورىن- الماتى وبلىسى – 1212
10 ورىن - پاۆلودار وبلىسى-910
11 ورىن - باتىس قازاقستان وبلىسى-550
12 ورىن - قاراعاندى وبلىسى-507
13 ورىن - شىعىس قازاقستان وبلىسى-488
14 ورىن - جامبىل وبلىسى-468
15 ورىن - قىزىلوردا وبلىسى-425
16 ورىن - اقتوبە وبلىسى – 360
17 ورىن- ۇلىتاۋ وبلىسى-108
18 ورىن - اتىراۋ وبلىسى-35.
مەملەكەت تاراپىنان اقشالاي تولەمدەر تۇرىندەگى قولداۋ جانە جوعارى قاجەتتىكتى ەسكەرە وتىرىپ، كاسىپكەرلەرگە ءقازىر قوناق ءۇي نەمەسە كامپۋسقا قاراعاندا ستۋدەنتتىك جاتاقحانا سالۋ الدەقايدا ءتيىمدى دەگەن قورىتىندى جاساۋعا بولادى.
باعدارلامانىڭ وپەراتورى "قارجى ورتالىعى" اق بولىپ تابىلادى جانە باعدارلاماعا قاتىسۋ ءۇشىن جەرگە قۇقىق بەلگىلەيتىن، سايكەستەندىرۋ قۇجاتتارىمەن، زاڭدى تۇلعانىڭ بولۋى تۋرالى قۇجاتتارمەن الدىن-الا كەلىسىمشارت جاساسۋعا ءوتىنىم بەرۋ جەتكىلىكتى.
باعدارلاما تۋرالى تولىق اقپاراتتى قارجى ورتالىعىنىڭ fincenter.kz سايتىنان نەمەسە 8-800-080-28-28 ءنومىرى بويىنشا الۋعا بولادى.