«قارجى ورتالىعى» اق بيزنەسمەندەرگە ستۋدەنتتىك جاتاقحانالاردىڭ قۇرىلىسىنا ينۆەستيسيا سالۋدى جانە مەملەكەتتەن وتەمنىڭ ءبىر بولىگىن الۋدى ۇسىنادى.
بۇگىنگى تاڭدا جاتاقحانالاردا ستۋدەنتتەر ءۇشىن ورىن تاپشىلىعى ماسەلەسى وتكىر تۇر. اسىرەسە استانا مەن الماتى ءىرى قالالارىندا وقيتىن ستۋدەنتتەر ءۇشىن.
قازىرگى ۋاقىتتا مەملەكەتتىك تاپسىرىس ورنالاستىرىلاتىن جانە ءبىزدىڭ ەلىمىزدە 2018 جىلدان باستاپ ىسكە اسىرىلىپ كەلە جاتقان ءبىرقاتار جوبالار بار.
بۇل مەحانيزم كەلەسى قولايلى جاعدايلاردى قامتيدى:
- قۇرىلىس كەزىندە ءاربىر توسەك-ورىنعا جىلىنا 195 اەك (الماتى قالاسى ءۇشىن – جىلىنا 230 اەك)، 6 جىل ىشىندە تولەنەدى. مىسالى، 100 ورىندىق جاتاقحانا ءۇشىن قۇرىلىس كەزىندە بارلىق كەزەڭدە تولەمدەر ورتاشا ەسەپپەن 403 ملن. تەڭگەنى قۇرايدى؛
- تۇرۋ ءۇشىن اي سايىنعى ستۋدەنتتىك تولەم؛
- تولەمدەر دەمالىس كەزەڭىن قوسا العاندا، اي سايىن جۇرگىزىلەدى؛
- كوممەرسيالىق الاڭدار – كوفەحانا، اسحانا، ترەناجەر زالى جانە ت.ب. تۇرىندە قوسىمشا تابىس الۋ مۇمكىندىگى بار.
سونىمەن قاتار، قوناق ۇيلەر مەن جاتاقحانالاردىڭ عيماراتتارىن جاتاقحانا رەتىندە رەكونسترۋكسيالاۋ مۇمكىندىگى بار. بۇل جاعدايدا مەملەكەت ءاربىر توسەك-ورىنعا جىلىنا 47 اەك (استانا جانە الماتى قالالارى ءۇشىن – جىلىنا 92 اەك)، 8 جىل ىشىندە تولەيدى. وسىلايشا، 100 ورىندىق جاتاقحانا ءۇشىن رەكونسترۋكسيالاۋ كەزىندە بارلىق كەزەڭدە ورتاشا ەسەپپەن 130 ملن تەڭگەنى قۇرايدى.
سۋرەت:«قارجى ورتالىعى» اق
سونىمەن قاتار، وبەكت ءسىزدىڭ مەنشىگىڭىزدە قالادى جانە تولەمدەر ايلىق ەسەپتىك كورسەتكىشكە بايلانىستى جانە جىل سايىن ينفلياسيانى ەسكەرە وتىرىپ يندەكستەلەدى. باعدارلاماعا قاتىسۋ ءۇشىن قاجەتتى قۇجاتتارمەن ءوتىنىش بەرۋ جەتكىلىكتى.