الماتى قالاسى «ازاماتتارعا ارنالعان ۇكىمەت» مەملەكەتتىك كورپوراسياسى فيليالىنىڭ وكىلدەرى وڭىرلىك كوممۋنيكاسيالار قىزمەتىنىڭ بريفينگىندە زەينەتاقىنى قالاي دۇرىس راسىمدەۋ كەرەكتىگىن جانە بۇل ءۇشىن قانداي قۇجاتتار قاجەت ەكەنىن ايتتى.
«زەينەتكە شىعۋعا الدىن الا دايىندالۋ قاجەت، حقكو-نا قۇجاتتاردىڭ ءتۇپنۇسقالارىن ۇسىنۋ، زەينەتاقى اۋدارىمدارىنىڭ بار-جوعىن تەكسەرۋ، ءتيىمدى نۇسقالاردى ەسەپتەۋ قاجەت. قۇجاتتاردى تۋعان كۇنىنەن 10 كۇن بۇرىن تاپسىرۋ كەرەك»، - دەدى زاڭدى جانە جەكە تۇلعالارمەن جۇمىس ىستەۋ جانە ەلەكتروندىق ءىس ماكەتتەرىن باقىلاۋ باسقارماسىنىڭ باسشىسى نايلا مۇحامەتقالييەۆا.
تۇرعىلىقتى جەرى بويىنشا حقكو فيليالدارىنا جۇگىنگەن كەزدە وزىمەن بىرگە مىناداي قۇجاتتار بولۋى قاجەت:
- جەكە باسىن كۋالاندىراتىن قۇجات؛
- ەڭبەك كىتاپشاسى (نەمەسە مۇراعات مەكەمەلەرىنىڭ انىقتامالارى)؛
- ءبىلىمى تۋرالى قۇجات؛
- اسكەري بيلەت نەمەسە قورعانىس ىستەرى جونىندەگى باسقارمانىڭ (ءبولىمنىڭ) انىقتاماسى؛
- نەكە تۋرالى كۋالىك (تەگى وزگەرگەن كەزدە)؛
- بالالاردىڭ تۋۋ تۋرالى كۋالىكتەرى (تۋۋ تۋرالى اكتىلىك جازبادان ءۇزىندى نەمەسە - ازاماتتىق حال اكتىلەرىن تىركەۋ ورگاندارى بەرگەن ازاماتتىق حال اكتىلەرىن تىركەۋ تۋرالى انىقتاما) جانە باسقالار.
ەگەر قانداي دا ءبىر قۇجات بولماسا، مىسالى، ەڭبەك كىتاپشاسى بولسا، ۇيىمنان مۇراعات انىقتاماسىن ۇسىنۋعا بولادى. باسقا جاعدايدا سوتقا جۇگىنىپ، سۋديانىڭ شەشىمىن ۇسىنۋ قاجەت.
سپيكەر جاسىنا بايلانىستى زەينەتاقى تولەمدەرىن تاعايىنداۋ 2001 جىلعى 1 شىلدەدەن باستاپ - 63 جاسقا تولعان ەر ادامدارعا، 58 جاسقا تولعان ايەلدەرگە جۇرگىزىلەتىنىن ەسكە سالدى.
سونىڭ ىشىندە زەينەتاقى تولەمدەرى ايەلدەرگە جاسى بويىنشا تاعايىندالادى:
2018 جىلعى 1 قاڭتاردان باستاپ-58،5 جاسقا تولعاندا؛
2019 جىلعى 1 قاڭتاردان باستاپ-59 جاسقا تولعاندا؛
2020 جىلعى 1 قاڭتاردان باستاپ-59،5 جاسقا تولعاندا؛
2021 جىلعى 1 قاڭتاردان باستاپ-60 جاسقا تولعاندا؛
2022 جىلعى 1 قاڭتاردان باستاپ-60،5 جاسقا تولعاندا؛
2023 جىلعى 1 قاڭتاردان باستاپ-61 جاسقا تولعاندا؛
2028 جىلعى 1 قاڭتاردان باستاپ-61،5 جاسقا تولعاندا؛
2029 جىلعى 1 قاڭتاردان باستاپ-62 جاسقا تولعاندا؛
2030 جىلعى 1 قاڭتاردان باستاپ-62،5 جاسقا تولعاندا؛
2031 جىلعى 1 قاڭتاردان باستاپ-63 جاسقا تولعاندا.
جاسىنا بايلانىستى زەينەتاقى تولەمدەرىن تاعايىنداۋ ءۇشىن ەڭبەك ءوتىلىن ەسەپتەۋ كەزىندە:
1) جەكە جانە زاڭدى تۇلعالار تولەيتىن ەڭبەك شارتتارى بويىنشا جۇمىس؛
2) اسكەري قىزمەت؛
3) ارناۋلى مەملەكەتتىك جانە قۇقىق قورعاۋ ورگاندارىنداعى قىزمەت، مەملەكەتتىك فەلدەگەرلىك قىزمەت؛
4) مەملەكەتتىك قىزمەت؛
5) كاسىپكەرلىك جانە تابىس اكەلەتىن وزگە دە قىزمەت؛
6) ءبىرىنشى توپتاعى مۇگەدەكتىگى بار ادامعا، ەكىنشى توپتاعى مۇگەدەكتىگى بار جالعىزباستى ادامعا جانە جاسى بويىنشا سىرتتان كومەككە مۇقتاج زەينەتكەرگە، سونداي-اق سەكسەن جاسقا تولعان قارتتارعا كۇتىم جاساۋ ۋاقىتى؛
7) 18 جاسقا دەيىنگى مۇگەدەكتىگى بار بالانى كۇتۋ ۋاقىتى جانە ت. ب.
سپيكەردىڭ مالىمەتىنشە، جىل باستالعالى جەتى اي ىشىندە جاسىنا بايلانىستى زەينەتاقى تولەمى بويىنشا 4280 ءوتىنىم بەرىلدى.
مەملەكەتتىك بازالىق زەينەتاقى تولەمى بويىنشا 4871 جانە پورتال ارقىلى ءوتىنىم بەرگەندەر 18، حالىققا قىزمەت كورسەتۋ ورتالىعى بويىنشا 4853 ءوتىنىم بەرىلگەن.