جازدىڭ ءۇش ايى ىشىندە «جاسىل ەل» جاستار ەڭبەك جاساعىنىڭ جاۋىنگەرلەرى ەكولوگيالىق اكسيالارعا قاتىسىپ، قالانى تازالاۋمەن جانە اباتتاندىرۋمەن اينالىساتىن بولادى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسىنىڭ جاستار ساياساتى باسقارماسىننىڭ وكىلدەرى ايتتى، دەپ حابارلايدى اlmaty-akshamy.kz
جوبانىڭ نەگىزگى ماقساتى – جاستاردى ۋاقىتشا ەڭبەكپەن قامتۋ، جاستار اراسىندا ەكولوگيالىق تاربيەنى ناسيحاتتاۋ، ولاردىڭ تابيعاتقا قامقورلىقپەن قاراپ، تۋعان ەلگە دەگەن سۇيىسپەنشىلىگىن قالىپتاستىرۋ.
«بيىل 2100-گە جۋىق الماتىلىق جاس ۋاقىتشا ەڭبەكپەن قامتىلادى. ەندى وسى جاستارىمىز الداعى ۋاقىتتا قالامىزدى كوگالاندىرۋعا، كوركەيۋىنە ءوز ۇلەستەرىن قوساتىن بولادى. پرەزيدەنتىمىز قاسىم-جومارت توقايەۆ ءوز ءسوز سوزىندە «جاستار اراسىندا ەكولوگيالىق مادەنيەتتى قالىپتاسىرۋ قاجەت» دەپ اتاپ ءوتتى. مىنە «جاسىل ەل» وسىنداي جوبالاردىڭ ءبىرى» - دەيدى الماتى قالاسى جاستار ساياساتى باسقارماسىنىڭ جاستاردى الەۋمەتتەندىرۋ جانە جاستار باستامالارىن قولداۋ ءبولىمىنىڭ باسشىسى نۇرسۇلتان بەكقايىروۆ.
سونىمەن قاتار، جوبا اياسىندا ەڭبەك ەتۋشى جاستار قوعامدىق جۇمىستارعا تارتىلىپ، ءتۇرلى قايىرىمدىلىق شارالارىنا قاتىساتىن بولادى.
جوباعا قاتىسۋشىلاردىڭ جالاقىسى 85 مىڭ تەڭگەنى (ەتج) قۇرايدى. سونىمەن قاتار، ۇلتتىق جوعارى وقۋ ورىندارى ءوز ستۋدەنتتەرىنە قوسىمشا تولەمدەر قاراستىرىپ وتىر: قازۇپۋ – 100 مىڭ تەڭگە، قازۇاۋ – 110 مىڭ تەڭگە، ق.ي. ساتپايەۆ اتىنداعى قازۇتزۋ – 100 مىڭ تەڭگە، ءال-فارابي اتىنداعى قازۇۋ – 80 مىڭ تەڭگە.
قازىرگى تاڭدا، جوبا اياسىندا 700-گە جۋىق جاس الماتىلىقتار جۇمىسىن باستادى. جۇمىس ماۋسىمى باستالعالى بەرى 34 ەكو-اكسيا، 20-دان استام ترەنينگتەر مەن نۇسقاۋلىقتار جانە 13 «جاس ەكو پاترۋل» رەيدتەرى وتكىزىلدى.
رەيدتەر بارىسىندا 85 قۇقىق بۇزۋشىلىق انىقتالدى. سونداي-اق، انىقتالعان پروبلەمالاردى جويۋ جانە ولاردىڭ شەشىلۋىن جەدەلدەتۋ ءۇشىن، مەملەكەتتىك ورگاندارعا 40-تان استام ءوتىنىش جىبەرىلىپ، 48-دەن استام شاعىم جازىلدى. وسى ورايدا رۇقساتسىز قوقىس ۇيىندىلەرىنىڭ 10-ى جەرگىلىكتى اتقارۋشى ورگانداردىڭ كۇشىمەن جويىلدى.
«ەستەرىڭىزگە سالا كەتەيىك، «جاسىل ەل» جوباسى ەلىمىزدە 2005 جىلدان باستاپ جۇزەگە اسىرىلىپ كەلە جاتىر. سودان بەرى جاستارىمىز جىل سايىن ءداستۇرلى تۇردە ۋاقىتشا جۇمىسپەن قامتىلىپ، ەكولوگيالىق شارالارعا قاتىسىپ، ەلىمىزدىڭ كوركەيۋىنە، بويىنداعى كۇش جىگەرى مەن الەۋەتىن وزىنە، تيىسىنشە قوعامعا پايداسىن تيگىزۋگە باعىتتاپ كەلەدى»، - دەپ تۇيىندەدى ن.بەكقايىروۆ.