«جاسىل دامۋ» اق قازاقستان رەسپۋبليكاسىنىڭ اۋماعىندا ەلەكتروندىق قالدىقتاردى قايتا وڭدەۋ سالاسىنداعى جەتەكشى كومپانيا بولىپ تابىلاتىن «Technic Destroy» ج ش س يننوۆاسيالىق ەكولوگيالىق جوباسىنا قولداۋ كورسەتۋ نيەتى تۋرالى حابارلايدى.
«Technic Destroy» ج ش س 2009 جىلى قۇرىلعان جانە قازاقستاندا كەڭسەلىك جانە كوممەرسيالىق تەحنيكانىڭ قالدىقتارىن قايتا وڭدەۋ سالاسىندا تانىلعان كوشباسشى بولىپ سانالادى. كومپانيا ليتيي-يوندى باتارەيالاردى قايتا وڭدەۋ نارىعىندا سەنىمدى پوزيسياعا يە بولدى، بۇل ورتالىق ازيادا مامانداندىرىلعان ءوندىرىس جەلىسىن ەنگىزگەن العاشقى كومپانيا بولدى. 2024 جىلى كاسىپورىن 3000 توننادان استام باتارەيالار مەن ەلەكتروندى جابدىقتاردى قايتا وڭدەدى.
ليتيي-يوندى باتارەيالاردى قايتا وڭدەۋ جەلىسىنىڭ جوبالىق ونىمدىلىگى ساعاتىنا 300 كگ قۇرايدى، ال قايتا وڭدەلەتىن شيكىزاتتىڭ جالپى كولەمى جىلىنا 500 توننادان اسادى.
«جاسىل دامۋ» اق تاراپىنان جوسپارلانىپ وتىرعان قولداۋ قورشاعان ورتانىڭ لاستانۋ دەڭگەيىن ەداۋىر تومەندەتۋگە جانە قازاقستاننىڭ «جاسىل» ەكونوميكا سالاسىنداعى الەۋەتىن نىعايتۋعا مۇمكىندىك بەرەتىن وڭدەۋدىڭ وزىق جانە ەكولوگيالىق ءقاۋىپسىز تەحنولوگيالارىن ەنگىزۋگە باعىتتالعان.