بۇل قىزمەتتى جانات سامات اتقارادى.
قازاقستانداعى قالدىقتاردى جيناۋ بويىنشا جاڭا وپەراتور رەتىندە انىقتالعان «جاسىل دامۋ» اق-نا جاڭا باسشى كەلدى، دەپ حابارلايدى Almaty-akshamy.kz.
«قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى س.برەكەشيەۆتىڭ بۇيرىعىمەن «جاسىل دامۋ» اق باسقارما ءتوراعاسى بولىپ جانات سامات تاعايىندالدى»، - دەلىنگەن مينيسترلىكتىڭ باسپا ءسوز قىزمەتىنىڭ حابارلاماسىندا.
جانات سامات 1980 جىلى اقتاۋ قالاسىندا دۇنيەگە كەلگەن. 2001 جىلى ەسەنوۆ اتىنداعى اقتاۋ ۋنيۆەرسيتەتىن بىتىرگەن.
ەڭبەك جولىن 2001 جىلى ماڭعىستاۋ وبلىسى بويىنشا سالىق كوميتەتىنىڭ ءىرى سالىق تولەۋشىلەردى تالداۋ جانە مونيتورينگىلەۋ ءبولىمىنىڭ باس سالىق ينسپەكتورى بولىپ باستادى. ءار جىلدارى وبلىستىڭ سالىق كوميتەتىندە كەلىسپەۋشىلىكتەر جانە كەڭەس بەرۋ ءبولىمىنىڭ، جەكە تۇلعالاردى تەكسەرۋ ءبولىمىنىڭ، جەر قويناۋىن پايدالانۋشىلاردى تەكسەرۋ ءبولىمىنىڭ باس سالىق ينسپەكتورى قىزمەتتەرىن اتقاردى.
2008 جىلى ماڭعىستاۋ وبلىسىنىڭ كاسىپكەرلىك جانە ونەركاسىپ باسقارماسى باسشىسىنىڭ ورىنباسارى، كەيىن «كاسپيي» اكك» ۇك» اق باسقارما ءتوراعاسىنىڭ ورىنباسارى لاۋازىمىنا تاعايىندالدى.
2014-2016 جىلدار ارالىعىندا قىزىلوردا قالاسىنداعى «بايقوڭىر» (بايقوڭىر)» الەۋمەتتىك-كاسىپكەرلىك كورپوراسياسى» ۇك» اق باسقارما ءتوراعاسى قىزمەتىن اتقارعان.
2019 جىلدان باستاپ قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار ءمينيسترىنىڭ كەڭەسشىسى.
2020 جىلدان باستاپ قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگى جانىنداعى «قورشاعان ورتانى قورعاۋ اقپاراتتىق-تالداۋ ورتالىعى» شجق رمك باس ديرەكتورى بولىپ جۇمىس ىستەدى.
تۇرمىس قۇرعان، ءۇش بالاسى بار.
ەكونوميكا عىلىمدارىنىڭ كانديداتى.