جاستارعا ارنالعان تۇرعىن ءۇي باعدارلاماسى ازىرلەنەدى

باستاپقى جارنا كەمىندە 10% بولۋ كەرەك، نەسيە مولشەرلەمەسى جىلدىق 5%، نەسيە مەرزىمى 19 جىلعا دەيىن.

«جاستار» عزو مەن «وتباسى بانك» اق قازاقستاندىق جاستار ءۇشىن تۇرعىن ءۇي نەسيەسىنىڭ قولايلى شارتتارىن جانە تۇرعىن ءۇي جاعدايلارىن جاقسارتۋ قاجەتتىلىگىن ايقىنداۋ بويىنشا بىرلەسىپ زەرتتەۋ جۇرگىزەدى، دەپ حابارلايدى Almaty-akshamy.kz اقدم باسپا ءسوز قىزمەتىنە سىلتەمە جاساپ.

زەرتتەۋ نەگىزىندە ءبىرىڭعاي جاستار تۇرعىن ءۇي باعدارلاماسىنىڭ ارنايى جوباسى ازىرلەنەدى.

اتالمىش زەرتتەۋ جۇمىسىنا نەگىز بولعان «جاستار» عزو ارنايى جۇرگىزگەن ساۋالناماسىنداعى «ءسىزدىڭ ويىڭىزشا، جاستار وزدەرىن سەنىمدى سەزىنىپ، دامۋعا قابىلەتتى بولۋ ءۇشىن نە قاجەت؟» دەگەن سۇراققا رەسپوندەنتتەردىڭ 40،9% «ءوز باسپاناسى» دەپ جاۋاپ بەردى.

«وتباسى بانك» اق وڭىرلىك اكىمدىكتەرمەن بىرلەسە وتىرىپ، جاستارعا ارنالعان دەربەس باعدارلامالاردى ىسكە قوسۋدا. بۇل - «ەلوردا جاستارى»، «الماتى جاستارى»، «قاراعاندى جاستارى»، «اۋليەاتا جاستارى»، «قوستاناي جاستارى».

جاقىن ارادا وسىنداي باعدارلاما اتىراۋدا دا («الاتاۋ جاستارى») ىسكە قوسىلماق.

نەسيە بەرۋ شارتتارى: باستاپقى جارنا كەمىندە 10% بولۋ كەرەك، نەسيە مولشەرلەمەسى جىلدىق 5%، نەسيە مەرزىمى 19 جىلعا دەيىن.