30 ماۋسىم كۇنى 28 گۆاردياشىل-پانفيلوۆشىلار اتىنداعى ساياباقتا الماتى قالاسى جاستار ساياساتى باسقارماسىنىڭ قولداۋىمەن، الماتى قالاسى جاستار ساياساتىن دامىتۋ مەملەكەتتىك قورى جانە الماتى قالاسى پوليسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىمەن بىرلەسىپ حالىقارالىق ناشاقورلىققا قارسى كۇرەس كۇنىنە ارنالعان «ءبىز سالاۋاتتى ءومىر سالتى ءۇشىن!» كونسەرتتىك اكسياسى ءوتتى.
ءىس-شارا بارىسىندا قالا تۇرعىندارى، جاسوسپىرىمدەرى مەن جاستارى دو تاربيەلەنۋشىلەرى دايىنداعان كونسەرتتىك باعدارلامانى تاماشالاپ، «ءبىز ەسىرتكىگە قارسىمىز!» تاقىرىبىنداعى ۆيكتوريناعا قاتىستى. سونىمەن قاتار، ءىس-شارا اياسىندا قولونەر بۇيىمدارى جانە «ءبىز سالاۋاتتى ءومىر سالتى ءۇشىن!» پلاكاتتار كورمەسى مەن دو وقىتۋشىلارىنىڭ شەبەرلىك ساباقتارى ءوتتى. بايقاۋ جەڭىمپازدارىنا سيمۆوليكالىق سىيلىقتار بەرىلدى، دەپ حابارلايدى Almaty-akshamy.kz.
الماتى قالاسىنىڭ كينولوگيالىق قىزمەت كورسەتۋ ورتالىعىنىڭ قىزمەتكەرلەرى «بۇركىت» قىزمەتتىك-ىزدەستىرۋ يتىمەن ىشىندە ەسىرتكى زاتتارىنىڭ يميتاتورلارى بار زاتتاردى ىرىكتەۋ بويىنشا قويىلىم وتكىزدى. قويىلىمنان كەيىن بارلىق نيەت بىلدىرۋشىلەر بۇركىتپەن ويناپ، ونىمەن ەستەلىك فوتوسۋرەتكە ءتۇستى.
اكسيا سوڭىندا، بالالاردى قورعاۋ كۇنىنە جانە ناشاقورلىققا قارسى كۇرەس ايلىعىنا ارنالعان «RYH - MARAFON» XIX-شى جالپىقالالىق سپارتاكياداسىنىڭ جەڭىمپازدارى سالتاناتتى تۇردە ماراپاتتالدى.
تۋرنير كەستەسىنىڭ قورىتىندىسى بويىنشا جۇلدەلى ورىندار كەلەسىدەي ءبولىندى:
III ورىندى «بارىس» دەمالىس ورتالىعىنىڭ كومانداسى يەلەندى؛
II ورىن – «دارحان» دو كومانداسى؛
I ورىندى «كوكجيەك city» دو كومانداسى يەلەندى.
ەسكە سالا كەتەيىك، بيىلعى سپارتاكيادانىڭ باستى ەرەكشەلىگى تۋرنيرگە قاتىسۋشىلاردى قولداۋشى DIEGO جولبارىسى بولدى. ول سپورتشىلاردى قيىندىقتاردى جەڭۋگە جانە العا قويعان ماقساتتارىنا جەتۋگە جىگەرلەندىرەتىن كۇشتىڭ، كۇش پەن جەڭىسكە دەگەن ۇمتىلىستىڭ سيمۆولىنا جانە قاتىسۋشىلاردىڭ دوسىنا اينالدى.
سپارتاكيادا 3 - 27 ماۋسىم ارالىعىندا سپورتتىڭ 5 تۇرىنەن: 600 جانە 800 مەترگە جۇگىرۋدەن، شاعىن فۋتبول، ستريتبول، ۇستەل تەننيسى جانە بوۋلينگتەن تۋنيرلەر وتكىزىلگەن بولاتىن. جەڭىمپاز كوماندالارعا قۇرمەت گراموتالارى، مەدالدار، كۋبوكتار جانە سىيلىقتار تابىس ەتىلدى.
