قازاقستان رەسپۋبليكاسى مادەنيەت جانە اقپارات مينيسترلىگى «جاستار» عىلىمي ورتالىعىمەن بىرلەسىپ، مەملەكەتتىك جاستار ساياساتى مەكتەبى اياسىندا ءبىرقاتار سەمينار-ترەنينگتەر وتكىزدى.
استانا، تاراز، اقتوبە جانە قاراعاندى قالالارىنداعى جاستار رەسۋرستىق ورتالىقتارىنىڭ 100 مامانى جاڭا ءبىلىم الدى، دەپ حابارلايدى almaty-akshamy.kz ق ر مادەنيەت جانە اقپارات مينيسترلىگىنىڭ باسپا ءسوز قىزمەتىنە سىلتەمە جاساپ.
ترەنينگ تاقىرىپتارى اراسىندا ويىنعا تاۋەلدىلىك پەن رەپرودۋكتيۆتى دەنساۋلىق ماسەلەلەرى، باق-پەن جۇمىس ىستەۋ ەرەكشەلىكتەرى، اقپاراتتىق تەحنولوگيالار بولدى.
قاتىسۋشىلار سونىمەن قاتار قازاقستان جاستارىنىڭ جالپى سانىنىڭ 7%-ىن قۇرايتىن NEET ساناتىنداعى جاستارمەن قارىم-قاتىناس پەن كەڭەس بەرۋدىڭ جاڭا تاجىريبەلەرىن مەڭگەردى.
تاقىرىپتار جرو ماماندارىنىڭ وزدەرى اراسىندا جۇرگىزىلگەن ساۋالناما نەگىزىندە جانە وتكەن جىلدار تاجىريبەسىن ەسكەرە وتىرىپ انىقتالدى. ترەنينگتىڭ وزەكتىلىگى 2023 جىلدىڭ ناۋرىز ايىندا كۇشىنە ەنگەن جاستار ساياساتى سالاسىنداعى زاڭنامالىق وزگەرىستەرگە دە بايلانىستى بولدى.