الماتى قالاسى اكىمدىگى قوعامدىق دامۋ باسقارماسى جانە الماتى قالالىق «جاس وتان» جاستار قاناتىنىڭ قولداۋىمەن، «ۆولونتەرلار ليگاسى» قوعامدىق قورى جانە الماتى پىكىرسايىس فەدەراسياسىنىڭ ۇيىمداستىرۋىمەن قالالىق «ALMATY CUP 1» اپف فورماتىنداعى ءتۋرنيرى ءوتتى.
شارا «DEPO Evolution Park» جاستار لوفت-ورتالىعىندا، كوللەدج جانە ۋنيۆەرسيتەت ستۋدەنتتەرىنىڭ قاتىسۋىمەن «ءسوز بوستاندىعى» تاقىرىبىندا ءوربىدى. اتالمىش ءتۋرنيردىڭ ماۋسىماشار پىكىرسايىسىنا دەبات مايتالماندارى قاتىستى. تورەشىلەر ويىنعا تىركەلگەن 24 فراكسيانى ءوزارا ءبولىپ، تۋرنير بارىسىن ءتۇسىندىرىپ ءوتتى. «بۇگىنگى تۋرنير اۋقىمدى تاقىرىپتاردى قامتىدى. بارىمىزگە قۋانىشتى جاعداي – ءبىلىم جانە عىلىم ءمينيسترى اسحات قانات ۇلى جالپى دەبات قوزعالىسىنىڭ مەكتەپ ليگاسىنان باستاپ ستۋدەنت ليگاسىنا دەيىن جاڭا جوبالارى مەن باستامالارى پايدا بولىپ جاتقانىن ايتقان بولاتىن. سونىمەن قاتار، وسى جىلى قازاق تىلىندە دەبات مەتوديكالىق نۇسقاۋلىعىن جازىپ شىعاردىق»، – دەدى الماتى پىكىرسايىس فەدەراسياسىنىڭ پرەزيدەنتى دامير احمەتبەك ۇلى. 1- سايىستا ىرىكتەۋ جاسالىپ، فراكسيالارعا «بۇل پالاتا ەۋروپالىق وداق رەتىندە ترانساتلانتيكالىق ساۋدا جانە ينۆەستيسيالىق سەرىكتەستىككە كەلىسىمىن بەرەدى» اتتى رەزوليۋسيا بەرىلدى. 2-سايىستا جاعداياتتىق قارار ۇسىنىلدى. ويىننىڭ 3-بولىگىندە «بۇل پالاتا حالىقارالىق قاۋىمداستىق رەتىندە تاليبان ۇكىمەتىنە اۋعانستان رەزەرۆتەرىن پايدالانۋعا رۇقسات بەرەدى» دەگەن رەزوليۋسيا ءبولىندى. 3 سايىستان سوڭ تىركەلگەن 24 فراكسيانىڭ 8ء-ى قالىپ، «بۇل پالاتا لۋكاشەنكو رەتىندە بەلارۋس رەسپۋبليكاسى باسشىسى بولعانشا رەسەي قۇرامىنداعى بەلارۋس وبلىسىنىڭ گۋبەرناتورى بولعان ءتيىمدى دەپ ەسەپتەيدى» اتتى قارار بويىنشا پىكىرتالاس باستالدى. ودان سوڭ جارتىلاي فينالعا 4 كوماندا قالىپ، فينالدا «بۇل پالاتا 30 جىلدا ەڭ جاقسى دامۋ جولىن كورسەتكەن پوستكەڭەستىك رەسپۋبليكانى كورسەتەدى» اتتى رەزوليۋسيا بەرىلدى. «پىكىرسايىستاردا جەتىستىكتەرگە جەتۋ ءۇشىن كوزقاراس، مىقتى مىنەز، ءوز ۇستانىمىن دالەلدى تۇردە قورعاي بىلۋگە جەتەلەيتىن ۇمتىلىس ماڭىزدى. ول ءۇشىن كوپ كىتاپ وقىپ، تانىمدىق باعدارلامالاردى قاراپ، قارىم-قاتىناس ورناتا ءبىلۋ، ارگۋمەنتاسيا داعدىلارىن دامىتۋ بويىنشا ۇنەمى جۇمىس ىستەۋ كەرەك»، – دەيدى شارا قاتىسۋشىلارى. «ۇزدىك تورەشى» نوميناسياسىن ءالىشباي مۇحامەدالى، «ۇزدىك ۇيىمداستىرۋشى» نوميناسياسىن جەڭىسحان قىزى ايدانا يەلەندى. فراكسيالار بويىنشا 4-ورىنعا «فەنيكس»، 3-ورىنعا «ءادىل ساياسات»، 2-ورىنعا «فەنومەن» جانە 1-ورىنعا «جاستار ارلانس» فراكسياسى شىقتى. سايىس ناتيجەسىندە بارلىق جۇلدەگەرلەرگە العىس حاتتار مەن ارنايى سىيلىقتار تابىستالدى.