ءىىم ماقان ەسبولاتوۆ اتىنداعى الماتى اكادەمياسى حالىقارالىق ىنتىماقتاستىق جونىندەگى گەرمان قوعامى مەن قالانىڭ پوليسيا دەپارتامەنتىنىڭ قولداۋىمەن “جاستار جانە پوليسيا: زورلىق-زومبىلىق ەكسترەميزمى جانە باسقا دا زاماناۋي قاۋىپتەردىڭ الدىن الۋ” تاقىرىبىندا رەسپۋبليكالىق فورۋم وتكىزدى.
ءۇش كۇنگە سوزىلعان شاراعا ەلىمىزدىڭ ءار ايماعىنان كەلگەن 500-گە جۋىق مەكتەپ وقۋشىلارى مەن ستۋدەنت جاستار قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
پوليسيا قىزمەتىنە قىزىعا قاراپ، قوعامنىڭ قاۋىپسىزدىگى ءۇشىن الاڭدايتىن ءبىلىمدى جاستار – فورۋم قاتىسۋشىلارىمەن ىشكى ىستەر ءمينيسترى كەزدەستى. ول جەتكىنشەكتەرمەن كيبەرقىلمىسقا قارسى كۇرەس، قۇقىقبۇزۋشىلىقتاردىڭ الدىن الۋ، ۆەدومستۆونىڭ وقۋ ورىندارىنا وقۋعا ءتۇسۋ سىندى تاقىرىپتاردا ءسوز قوزعادى.
«جارقىن بولاشاققا ۇمىتتەنگەن جاستار قازىرگى زاماناۋي تەحنولوگيالاردى قولدانا وتىرىپ، كيبەرقىلمىستار مەن ينتەرنەت ارقىلى جاسالاتىن قۇقىق بۇزۋشىلاردىڭ قالاي الدىن الۋ كەرەكتىگى تۋرالى وزدەرىنىڭ وي-پىكىرلەرىن ءبىلدىردى. بۇگىنگى تاڭدا ءىىم قوعامدىق قاۋىپسىزدىكتى قوعاممەن سەرىكتەستىكتە قامتاماسىز ەتۋ تۇجىرىمداماسىن ازىرلەپ جاتىر. وسى فورۋمنىڭ ءوزىن سونىڭ كۋاسى دەپ تولىق ايتۋعا بولادى»، – دەدى مارات احمەتجانوۆ.
كەزدەسۋ بارىسىندا قىزدار مەن جىگىتتەر العىرلىقتارىن دالەلدەپ، بەلسەندىلىك تانىتىپ، مينيسترگە ءوز ساۋالدارىن جولدادى.
جيىن سوڭىندا مارات احمەتجانوۆ الماتى اكادەمياسى ۇيىمداستىرعان “ۇزدىك IT-دارىن”، “ۇزدىك ءىز كەسۋشى” بايقاۋلارىنىڭ جەڭىمپازدارىن ماراپاتتادى.
«بايقاۋدىڭ بىرىنشى-ەكىنشى تۋرى ونلاين ءوتتى. ۆيدەو جاساپ، سۇراقتارىنا جاۋاپ بەرىپ، كەيىن وسى الماتى قالاسىندا وتكەن ءۇشىنشى تۋرىنا قاتىستىق. الماتى اكادەمياسىنا، بارلىق ۇيىمداستىرۋشىلارعا راقمەت ايتامىن»، – دەدى ءىىى ورىن يەلەنگەن يسلام سەرىكوۆتىڭ جەتەكشىسى – قاراعاندى وبلىسى ا.اسىلبەكوۆ اتىنداعى جالپى ءبىلىم بەرەتىن مەكتەپتىڭ ءمۇعالىمى گۇلشات ابايەۆا.
سونىمەن قاتار ءىىم باسشىسى اكادەميانىڭ 1ء-شى فاكۋلتەتىندە ءبىلىم الۋشى وفيسەرلەرمەن كەزدەستى. ايتا كەتۋ كەرەك، بۇل فاكۋلتەتتە ىشكى ىستەر ورگاندارىنىڭ باسشى قۇرامى دايارلاۋدان وتەدى.