NEET ساناتىنداعى جاستار بيزنەس-يدەيالارىن جۇزەگە اسىرۋ ءۇشىن 1 ملن تەڭگەگە دەيىن گرانت الا الادى
قازاقستاندا NEET ساناتىنداعى جاستاردى قولداۋعا باعىتتالعان «Zhas project» جوباسى باستالادى، دەپ حابارلايدى almaty-akshamy.kz
گرانتتىق باعدارلاما 2022 جىلدان باستاپ قازاقستان رەسپۋبليكاسى مادەنيەت مينيسترلىگىنىڭ جاستار جانە وتباسى ىستەرى كوميتەتىمەن ازاماتتىق باستامالاردى قولداۋ ورتالىعىنىڭ قولداۋىمەن جۇزەگە اسىرىلۋدا.
بيىل 10 ۇكىمەتتىك ەمەس ۇيىم جوبانىڭ اياسىندا ەلىمىزدىڭ ءۇش قالاسى (استانا، الماتى، شىمكەنت) مەن 17 وبلىسىندا (سقو، بقو، شقو، اباي، جەتىسۋ، ۇلىتاۋ، اقمولا، اقتوبە، الماتى، اتىراۋ، جامبىل، قاراعاندى، قوستاناي، قىزىلوردا، ماڭعىستاۋ، پاۆلودار، جانە تۇركىستان) ءارقايسىسىنا 1 ميلليون تەڭگە كولەمىندە 280 شاعىن گرانت بەرەدى.
- كونكۋرس بىرنەشە كەزەڭنەن تۇرادى: جوبانىڭ ىسكە قوسىلۋى تۋرالى حابارلاندىرۋ؛ 19 اقپان مەن 24 ناۋرىز ارالىعىندا - اقپاراتتىق ناۋقان؛ 25 ناۋرىز - كونكۋرس باستالادى؛ 25 ناۋرىز بەن 24 ءساۋىر ارالىعىندا - وتىنىمدەر قابىلدانادى؛ 25 ءساۋىر مەن 14 مامىر ارالىعىندا - وتىنىمدەر ىرىكتەلەدى؛ 15 مامىر - كونكۋرس ناتيجەلەرى شىعارىلادى.
- كونكۋرسقا 18 بەن 34 جاس ارالىعىنداعى قازاقستان رەسپۋبليكاسىنىڭ ازاماتتارى قاتىسا الادى. ءوتىنىم بەرۋشى ءوڭىردىڭ اۋماعىندا تۇراقتى نەمەسە ۋاقىتشا تىركەلۋى ءتيىس جانە ۋاقىتشا تۇراقسىز جاستار مارتەبەسىندە بولۋى ءتيىس. كونكۋرسقا قاتىسۋ ءۇشىن تەك قاتىسۋشىلار 1 الەۋمەتتىك جوبانى ۇسىنا الادى. 2023 جىلى "ZHAS PROJECT" جوباسى اياسىندا شاعىن گرانت العان جاستار كونكۋرسقا قاتىسپايدى.
جوبالار جەرگىلىكتى قوعامداستىقتىڭ الەۋمەتتىك ماسەلەلەرىن شەشۋگە باعىتتالۋى ءتيىس. جوبانى قاتىسۋشىلار 4 ايدان اسپايتىن مەرزىمدە ىسكە اسىرۋى ءتيىس.