الماتى وبلىسى ىلە اۋداندىق ءبىلىم ءبولىمىنىڭ باسشىسى سىبايلاس جەمقورلىققا قاتىسى بار دەگەن كۇدىككە ءىلىندى، دەپ حابارلايدى almaty-akshamy.kz
الماتى وبلىسى بويىنشا سىبايلاس جەمقورلىققا قارسى قىزمەت «الماتى وبلىسى ىلە اۋدانىنىڭ ءبىلىم ءبولىمى» مەملەكەتتىك مەكەمەسىنىڭ باسشىسىنا قاتىستى سوتقا دەيىنگى تەرگەۋ امالدارىن جۇرگىزۋدە.
«مەكەمە باسشىسى ىلە اۋدانىنداعى جالپى ءبىلىم بەرەتىن مەكتەپتەردە جۇمىس ىستەمەگەن تۇلعالارعا جالاقى جازىپ، الدىن الا ءسوز بايلاسۋ ارقىلى 680 ملن تەڭگە كولەمىندە بيۋدجەت قاراجاتىن جىمقىردى دەگەن كۇدىككە ءىلىندى. سونىمەن قاتار، ول ءوزىنىڭ قىزمەتتىك وكىلەتتىگىن اسىرا پايدالانىپ، جۇرگىزۋشىسىن جالعان تۇردە مەكتەپ-گيمنازياسىنا كاسىپتىك باعدار بەرۋ جونىندەگى كەڭەسشى ەتىپ جۇمىسقا ورنالاستىرىپ، وعان جالپى سوماسى 4،9 ميلليون تەڭگە زاڭسىز جالاقى تولەگەن»، - دەپ حابارلادى الماتى وبلىسى بويىنشا سىبايلاس جەمقورلىققا قارسى قىزمەتى.
سوتتىڭ سانكسياسىمەن كۇدىكتى قاماۋعا الىندى. تەرگەۋ جالعاسىپ جاتىر.
قىلمىستىق ءىس جۇرگىزۋ كودەكسىنىڭ 201-بابىنا سايكەس، تەرگەۋ مۇددەسىن كوزدەيتىن وزگە اقپارات جاريالاۋعا جاتپايدى.