"جاسوتاندىقتار" تۇزەتۋ مەكەمەسىنىڭ تاربيەلەنۋشىلەرى اراسىندا شاحماتتان تۋرنير وتكىزدى

الداعى ۋاقىتتا "جاسوتاندىقتار" كونسەرتتىك باعدارلامالاردى ۇيىمداستىرۋدى كوزدەپ وتىر.

16 شىلدە كۇنى الماتى قالالىق Jas Otan جاستار قاناتىنىڭ ۇيىمداستىرۋىمەن حالىقارالىق شاحمات كۇنىنە وراي لا-155/6 تۇزەتۋ مەكەمەسىنىڭ تاربيەلەنۋشىلەرى اراسىندا شاحماتتان تۋرنير ۇيىمداستىرىلدى، دەپ حابارلايدى Almaty-akhamy.kz.

شاحمات ويىندارىنا بارلىعى 26 بالا قاتىستى. تۋرنير بىرنەشە كەزەڭدەردەن تۇردى. فينالدىق ويىنعا وتكەن بالالار Jas Otan  جق ءتوراعاسى اتىنان ارنايى العىس حاتتارمەن ماراپاتتالىپ، زاماناۋي جەيدەلەر تابىستالدى.

شارا بارىسىندا Jas Otan جق ءتوراعاسى نۇرسۇلتان بولات ۇلى تۇزەتۋ مەكەمەسىنىڭ جاعدايىمەن تانىسىپ، وزەكتى پروبلەمالارىن  دا ءتۇرتىپ الدى.

ايتا كەتەيىك، قازاقستاندا ءبىر عانا جاسوسپىرىمدەر كولونياسى بار. تۇزەتۋ مەكەمەسىندە ءبىلىم بەرەتىن سىنىپتار، كىتاپحانا، سپورتپەن شۇعىلداناتىن زالدار، مەديسينالىق مەكەمە جانە بولەك اسحانا بار.

سونىمەن قاتار، تۇزەتۋدەگى جاسوسپىرىمدەر ءۇش مەزگىل تەگىن تاماقپەن قامتاماسىز ەتىلگەن. مەكەمە قىزمەتكەرلەرىنىڭ ايتۋى بويىنشا، قازىرگى تاڭدا تۇزەتۋ كولونياسىندا 48 ءجاسوسپىرىم بار. جاساق سانى ەكەۋ. جاسالعان قۇقىق بۇزۋشىلىقتارىنا بايلانىستى داعدىلى جانە جەڭىلدەتىلگەن مەرزىمدى بولىپ بولىنەدى. جاسوسپىرىمدەر اتا-اناسىمەن جىلىنا 6 رەت كەزدەسە الادى. دەگەنمەن، قوڭىراۋ شالىپ، ۇيالى بايلانىس ارقىلى سويلەسۋگە ەشقانداي شەكتەۋ جوق.

الداعى ۋاقىتتا "جاسوتاندىقتار" الداعى ۋاقىتتا پايدالى كەزدەسۋلەر مەن كونسەرتتىك باعدارلامالار ۇيىمداستىرۋدى جوسپارلاپ وتىر.