بۇل ءۇشىن ادام رەسۋرستارىنا قوماقتى ينۆەستيسيالار قاجەت.
وڭىرلىك كوممۋنيكاسيالار قىزمەتى الاڭىندا ءسوز سويلەگەن قازاقستاننىڭ پروفيلاكتيكالىق مەديسينا اكادەمياسىنىڭ پرەزيدەنتى الماز شارمان ەلدەگى ەپيدەميولوگتاردىڭ تاپشىلىعىن راستادى. الايدا، عالىمنىڭ ايتۋىنشا، قازىرگى كەزدە عىلىم مەن مەديسينا باعىتىن قالپىنا كەلتىرۋدىڭ مۇمكىندىگى بار، دەپ حابارلايدى Almaty-akshamy.kz.
الماز شارماننىڭ ايتۋىنشا، قازىرگى ىندەت ەلدەگى ەپيدەميانىڭ ءالسىز تۇستارىن كورسەتتى. يممۋنولوگ قازىرگى كەزدە كادر تاپشىلىعىنا بايلانىستى ەپيدەميولوگيالىق باقىلاۋ ماسەلەلەرىن شەشۋ وتە قيىن دەگەن پىكىردە.
«مەن 40 جىلدىق تاجىريبەسى بار يممۋنولوگپىن جانە ءوز كەزەڭىندە جۇمىس ىستەگەن ەپيدەميولوگتار مەن ۆيرۋسولوگتاردىڭ قانداي ەكەنىن بىلەمىن. وكىنىشتىسى سول، ءقازىر ولاردىڭ كوپشىلىگى قىزمەتتە ەمەس. قىزمەتتىڭ بۇل سالاسى وتە ماڭىزدى. سوندىقتان ءبىز جارتى جىل بۇرىن دارىگەرلەر توبىمەن دەنساۋلىق ساقتاۋ جۇيەسىن جاڭعىرتۋ، بۇرىن بولعان گيگيەنا جانە ەپيدەميولوگيا مەكتەبىن قايتا قۇرۋ تۋرالى ۇندەۋ تاستادىق. بۇل بولاشاقتا ەپيدەميا جاعدايىندا ەپيدەميولوگتار مەن ۆيرۋسولوگتاردىڭ مىقتى كادرلىق الەۋەتىن قالىپتاستىرۋ ءۇشىن قاجەت. الايدا ءبىز ءۇشىن بۇل سالا بۇگىن قاجەت. سوندىقتان قازىرگى ۋاقىتتا ەپيدەميانىڭ تارالۋىن جاقسى قاداعالاپ، كاسىبي ماماندارمەن ۆيرۋستى جەڭە الاتىن ەپيدەميولوگتار دايارلانۋدا»، – دەدى الماز شارمان.
عالىم ەل اۋماعىندا بۇرىن بولعان الەۋەتتىڭ جوعالعانىن وكىنىشپەن ەسكە الدى. ءبىراق ءقازىر ونى قالپىنا كەلتىرۋدىڭ ەرەكشە مۇمكىندىگى بار. بۇل ءۇشىن ادام رەسۋرستارىنا قوماقتى ينۆەستيسيالار قاجەت.
«مەديسينالىق ۋنيۆەرسيتەتتەردە ەپيدەميولوگيا جانە پروفيلاكتيكالىق مەديسينا ماسەلەلەرىمەن تىكەلەي اينالىساتىن قوعامدىق دەنساۋلىق ساقتاۋ مەكتەپتەرىن قايتا قۇرۋ قاجەت. بۇل وتە ماڭىزدى: ءبىز اۋرۋلاردىڭ الدىن الۋعا نەعۇرلىم كوپ ينۆەستيسيا سالساق، ادامدار سوعۇرلىم از اۋىرادى جانە ەمدەۋگە از قارجى جۇمسالادى»، – دەدى الماز شارمان.