الماتى قالاسىندا 2000 جىلعى وليمپيادا چەمپيونى، قازاقستان رەسپۋبليكاسىنىڭ ەڭبەك سىڭىرگەن سپورت شەبەرى ەرماحان يبرايموۆتىڭ جۇلدەسى ءۇشىن بوكستان حالىقارالىق تۋرنير ءوتىپ جاتىر.
بەس كۇنگە سوزىلاتىن تۋرنيرگە قىرعىستان، موڭعوليا،، وزبەكستان، رەسەيدەن جانە ەلىمىزدىڭ بارلىق وبلىستارىنان 250 دەن استام بىلعارى قولعاپ شەبەرى كەلدى. ەڭ مىقتى بوكسشىلار قازاقستان قۇراما كومانداسىنا قابىلدانادى. سونداي-اق، ازيا چەمپيوناتىنا جولداما الادى. ءار سالماق دارەجەسى بويىنشا جەڭىمپاز اتانعان سپورتشىعا سپورت شەبەرى اتاعى بەرىلەدى.
“بەس جىلدىڭ ىشىندە وسى تۋرنيردە كوپ قىزدار ءوستى. ازيا چەمپيونى بولدى. بيىل قارايمىن، سپورتشىلارىمىزدىڭ ساپاسى دا، سانى دا ءوسىپ كەلەدى. جىل سايىن كورشىلەس مەملەكەتتەردەن قاتسۋشىلار كەلىپ قوسىلۋدا. وسىنداي جارىستاردىڭ ارقاسىندا جاستارىمىز وسەدى، ونەدى، جەڭىسكە جەتەرىنە سەنىمىم مول. قىزدارىمىزدىڭ دايىندىعى جامان ەمەس. وزدەرىنىڭ كۇشىن ورتاعا سالۋدا. ءار سپورتشىمىزعا ارتار ءۇمىتىمز مول”، - دەيدى باپكەر، تورەشى جانىبەك قۇلنيازوۆ.
ماراپاتتاۋ 25 اقپان كۇنى وتەدى. ەسكە سالايىق، ەرماحان ىبىرايىموۆتىڭ جۇلدەسى ءۇشىن بەسىنشى رەت تۋرنير وتكىزىلىپ وتىر.
ەرماحان يبرايموۆ، بوكستان وليمپيادا چەمپيونى:
– جارىستىڭ ماقساتى – قازاقستان رەسپۋبليكاسىنىڭ ەڭ مىقتى سپورتشىلارىن انىقتاۋ جانە ۇلتتىق قۇراما ساپىندا بىرەۋ بولماسا، ولار كوزگە ءتۇسىپ، قوسىمشا ەنگىزىلۋى مۇمكىن. سوندىقتان بۇل ءتۋرنيردىڭ دەڭگەيى وتە جوعارى دەر ەدىم.
