مادەنيەت جانە اقپارات مينيسترلىگى مادەني ۇيىمداردىڭ بالەت ارتىستەرىنە ارنايى ايلىق تولەمدەردى تاعايىنداۋ ەرەجەسىنە وزگەرىستەر ەنگىزۋگە دايىندىق جۇرگىزىپ جاتىر، دەپ حابارلايدى aqshamnews.kz
جاڭا ەرەجەگە سايكەس، تولەمدەر ءادىل جانە ايقىن ەسەپتەلەتىن بولادى: ارتىستەرگە سوڭعى ءۇش جىلداعى ورتاشا ايلىق جالاقىنىڭ 60%-ى كولەمىندە تولەم تاعايىندالادى. بۇل ءۇشىن ارتىستەردىڭ تابىستارى قۇجاتتارمەن راستالۋى ءتيىس، وسىلايشا نەگىزسىز ارتىق تولەم جاسالۋى الدىن الىنادى.
ەسەپتەۋدى ارنايى كوميسسيا جۇرگىزەدى. كوميسسيا قۇرامىنا ۋاكىلەتتى جانە جەرگىلىكتى اتقارۋشى ورگانداردىڭ ءبولىم باسشىلارى، بالەت ونەرى قايراتكەرلەرى، سونىمەن قاتار ەكونوميكا، قارجى، كادر سالاسىنىڭ ماماندارى مەن باسقا دا ساراپشىلار كىرەدى.
مينيسترلىكتىڭ حابارلاۋىنشا، قۇجاتتى قابىلداۋ ارتىستەردىڭ قۇجاتتارىن وبەكتيۆتى قاراۋعا، شەشىمدەردىڭ قۇقىقتىق جانە قارجىلىق تۇرعىدان دۇرىس بولۋىنا، سونداي-اق كاسىبي قىزمەتىن ساراپتامالىق باعالاۋعا مۇمكىندىك بەرەدى. بۇل سۋبەكتيۆتى كوزقاراس پەن بيۋدجەتتىك قاراجاتتى ماقساتسىز جۇمساۋدى بولدىرمايدى.
جوبا "اشىق نورماتيۆتىك قۇقىقتىق اكتىلەر" سايتىندا 2026 جىلعى 12 اقپانعا دەيىن قوعامدىق تالقىلاۋعا ۇسىنىلدى.