مەملەكەت باسشىسى بيىلعى جولداۋىندا جاساندى ينتەللەكتتىڭ ءبىلىم بەرۋ جۇيەسىندە باسىمدىققا يە بولۋى قاجەت ەكەندىگىن باسا ايتقانى بەلگىلى.
پرەزيدەنت باستاماسىن جۇزەگە اسىرۋ ءۇشىن بولاشاق ۇرپاق تاربيەلەپ وتىرعان پەداگوگتەردىڭ سيفرلىق تەحنولوگيانى مەڭگەرۋى اسا ماڭىزدى.
ونىڭ ۇستىنە قازىرگىدەي اقپاراتتار زامانىندا سيفرلىق تەحنولوگيالار بالانىڭ قىزىعۋشىلىعىن ارتتىرۋدىڭ ءتيىمدى ءتاسىلى بولىپ تابىلادى. وسىعان وراي، قالامىزدىڭ اۋەزوۆ اۋدانىنا قاراستى №64 بوبەكجاي-بالاباقشاسىندا «ادال ازامات» «ءبىرتۇتاس تاربيە باعدارلاماسى» اياسىندا شىعارماشىلىق ءادىس- تاسىلدەردى قولدانۋ اياسىندا اۋداندىق سەمينار ءوتتى.
بۇل ءىس- شارانىڭ ماقساتى- پەداگوگتەردىڭ ادال ازامات تۇلعاسىن قالىپتاستىرۋداعى تاجىريبەسىن جەتىلدىرۋ، «ءبىرتۇتاس تاربيە باعدارلاماسى» اياسىندا قۇندىلىقتارعا نەگىزدەلگەن تاربيە جۇمىستارىنىڭ يننوۆاسيالىق ءتيىمدى ادىستەرىن شەبەر سىنىپ ارقىلى كورسەتۋ بولدى. جالپى، جي مەن ينتەراكتيۆتى پلاتفورمالار تاربيەشىلەر مەن ادىسكەرلەردىڭ جۇمىسىن جەڭىلدەتىپ، بالالاردىڭ تانىمدىق بەلسەندىلىگىن دامىتادى. ۇجىم قىزمەتكەرلەرى شارا بارىسىندا بىرنەشە ينتەرفەيستەردە جاسالعان ويىن تۇرلەرىمەن تانىستىردى. مىسالى: Gemini، Grok،Wordwall، Kahoot، Quizizz، Pix Verse، ChatGPT، گولوگرامما تاسىلدەرى. اتالمىش بالاباقشانىڭ قازاق ءتىلى مامانى ن. مينامۋتدينوۆا «ويىن مەن تەحنولوگيا- ءتىل كىلتى» اتتى شەبەرلىك ساعاتىندا «SmartBala» جوباسى باعىتىندا بالالاردى ءۇي جانۋارلارىمەن، ءتورت تۇلىكتىڭ تولدەرىمەن جانە ادام بالاسىنا كەلتىرەتىن پايداسى جايلى ءتۇسىندىرۋ بارىسىندا Gemini، Grok، Pix Verse، ChatGPT، گولوگرامما ينتەرفەيستەرىن جانە روبوتوتەحنيكانى قالاي ءتيىمدى قولدانۋعا بولاتىنىن كورسەتىپ، ءوز ءىس- تاجىريبەسىمەن ءبولىستى.
كەلەسى كەزەكتە قازاق ءتىلى مامانى ا. ابىلدايەۆا «ەڭبەگى ادال – جاس ورەن»- تاربيەلەنۋشىلەردە ءارتۇرلى ماماندىقتارعا قىزىعۋشىلىقتى دامىتۋ جانە ەڭبەكسۇيگىشتىك يدەياسىن ناسيحاتتاۋ ارقىلى قۇندىلىقتاردى قالىپتاستىرۋ ماقساتىندا «ماماندىقتىڭ ءبارى جاقسى- قالاۋىڭدى تاڭداي ءبىل» اتتى شەبەرلىك ساعاتىندا Wordwall، Pix Verse، ChatGPT پلاتفورمالارىنىڭ ۇتىمدى پايدالانۋ جولدارىمەن تانىستىردى. ال بالاباقشا پسيحولوگ مامانى ا. ەسلاكوۆا سەمينارعا قاتىسۋشى پەداگوگتەرمەن Kahoot، Quizizz پلاتفورمالارىندا «ادالدىق الاڭى» اتتى ينتەراكتيۆتى ۆيكتورينالىق ويىنىن ويناتىپ، "ميعا شابۋىل" ءادىسىن قولدانۋدىڭ ءتيىمدى تۇستارىن كورسەتتى.
مەكتەپالدى «قۇلىنشاق» توبىنىڭ تاربيەشىسى ا.ۇزاقوۆا ۋزاكوۆا دامىتۋشى ورتانى ۇيىمداستىرۋ، بالالار مەن ەرەسەكتەردىڭ قارىم-قاتىناسى مەن بىرلەسكەن ارەكەتىن، بالالاردىڭ قيمىل بەلسەندىلىگىن، سونداي-اق ولاردىڭ وڭاشا بولۋىنا مۇمكىندىكتى قامتاماسىز ەتۋ جولدارى جايلى ءوز تاجىريبەسىمەن ءبولىستى.
سەمينار سوڭى بالاباقشانىڭ ونەرپاز بۇلدىرشىندەرىنىڭ ونەرىنە ۇلاستى. ءوز مارەسىنە جەتتى. سەمينارعا قاتىسۋشى قوناقتار ءىس- شارادان العان اسەرلەرىن ورتاعا سالىپ، شىعارماشىلىق شابىت، تىڭ يدەيا الىپ قايتتى.