جاساندى ينتەللەكت دەلفيندەرمەن «تىلدەسە» باستايدى

Google كومپانياسى تەڭىز بيولوگتارىمەن جانە Georgia Tech ۋنيۆەرسيتەتىنىڭ زەرتتەۋشىلەرىمەن بىرلەسىپ، دەلفيندەرمەن بايلانىسۋعا ارنالعان تىلدىك جاساندى ينتەللەكت مودەلىن ازىرلەپ جاتىر، دەپ حابارلايدى aqshamnews.kz

DolphinGemma دەپ اتالاتىن بۇل مودەل اتلانت مۇحيتى دەلفيندەرىنىڭ داۋىس سيگنالدارى جازىلعان ءىرى كولەمدەگى اۋديودەرەكتەر بازاسى نەگىزىندە وقىتىلعان. جۇيە دەلفيندەردىڭ دىبىستارىن تانىپ، جىكتەپ، ءمان-ماعىناسىنا قاراي تالداي الادى. وسىلايشا، ادامدار مەن تەڭىز سۇتقورەكتىلەرى اراسىنداعى ءوزارا تۇسىنىستىك كوپىرى پايدا بولماق.

نەگىزگى جاڭالىقتار:

• DolphinGemma مودەلى دەلفيندەردىڭ داۋىسىن تالداۋ ارقىلى ولاردىڭ نە ايتقىسى كەلەتىنىن انىقتايدى؛

• جوبا اياسىندا ارنايى «دەلفين سوزدىگى» دە جارىق كورەدى؛

• مودەلدى جاز ايلارىندا رەسمي تۇردە ىسكە قوسۋ جوسپارلانىپ وتىر.

عىلىمي ماڭىزى:

بۇل باستاما دەلفيندەردىڭ الەۋمەتتىك مىنەز-قۇلقىن، قارىم-قاتىناس مەحانيزمىن زەرتتەۋگە جانە ولاردىڭ ورتاسىن جاقسى تۇسىنۋگە مۇمكىندىك بەرەدى. سونىمەن قاتار، بولاشاقتا وزگە دە جانۋار تۇرلەرىمەن بايلانىس ورناتۋدىڭ نەگىزى قالانۋى مۇمكىن.

كىشكەنە وي سالىپ كەتسەك...

• ەل دەلفينمەن تىلدەسىپ جاتىر،
• ال ءبىز ءالى ديكتوفونداعى جازبانى قولمەن تەرىپ وتىرمىز...