قازاقستان ەڭبەك نارىعى جاڭا كەزەڭگە قادام باستى. جاساندى ينتەللەكت (جي) تەحنولوگيالارى جۇمىس ورىندارىن تولىق جويماي، ولاردىڭ مازمۇنى مەن تالاپتارىن تۇبەگەيلى وزگەرتۋدە، دەپ حابارلايدى Aqshamnews.kz.
ەڭبەك رەسۋرستارىن دامىتۋ ورتالىعىنىڭ ديرەكتورى ەرنات ءجۇنىسوۆتىڭ ايتۋىنشا، بۇرىن قولمەن جاسالاتىن جۇمىس اۆتوماتتاندىرىلىپ جاتىر. وسىعان بايلانىستى كاسىبي ستاندارتتارعا جاڭا قۇزىرەتتەر ەنگىزىلۋدە. ءقازىر سۇرانىسى جوعارى 8 مىڭ ماماندىقتىڭ 60%-ى جاڭارتىلعان كاسىبي ستاندارتپەن قامتىلىپ، ولاردىڭ نەگىزىندە 11 مىڭنان استام ءبىلىم بەرۋ باعدارلاماسى وزەكتەندىرىلگەن.
ساراپشى قىسقا مەرزىمدى قايتا دايارلاۋ مەن سەرتيفيكاتتاۋ جۇيەسىن دامىتۋ قاجەت ەكەنىن اتاپ ءوتتى. بۇل ماماندارعا جي قۇرالدارىن تەرەڭ وقىماي-اق ءتيىمدى قولدانۋعا مۇمكىندىك بەرەدى. الەمدىك تاجىريبە بويىنشا، الداعى ۋاقىتتا جۇمىس ىستەپ جۇرگەن قىزمەتكەرلەردىڭ 50%-ى قايتا دايارلاۋدان وتۋگە ءماجبۇر بولادى.
HR كەڭەسشى ءاليا مىرزابەكوۆانىڭ ايتۋىنشا، كاسىبي ستاندارتتاردى دەر كەزىندە جاڭارتۋ — ەڭبەك نارىعىنىڭ باستى شارتى. جاڭا داعدىلاردى مەڭگەرمەگەندەر باسەكەگە قابىلەتسىز بولىپ قالۋى مۇمكىن. بولاشاق يكەمدىلىككە، ۇزدىكسىز وقۋعا جانە تەحنولوگيالىق ساۋاتتىلىققا تىكەلەي بايلانىستى.