الماتى قالاسى بويىنشا ەكونوميكالىق تەرگەۋلەر دەپارتامەنتىنىڭ قىزمەتكەرلەرى جاستار ساياساتى باسقارماسىمەن بىرلەسە وتىرىپ، 9–11 سىنىپ وقۋشىلارىنا ارنالعان قارجىلىق قاۋىپسىزدىك بويىنشا دارىستەر سيكلىن وتكىزىپ جاتىر، - دەپ حابارلايدى اqshamnews.kz ءتىلشىسى.
اعىمداعى جىلدىڭ 25 قىركۇيەگىندە الماتى قالاسى ناۋرىزباي اۋدانىنداعى № 207 مەكتەپ ليسەيىندە جوعارى سىنىپ وقۋشىلارىنا ارنالعان ءدارىس ءوتتى. ءىس-شارا «زاڭ جانە ءتارتىپ» قاعيداتىن ىسكە اسىرۋ اياسىندا ۇيىمداستىرىلىپ، وسكەلەڭ ۇرپاقتىڭ قۇقىقتىق ساۋاتتىلىعىن ارتتىرۋعا، جاستاردىڭ قارجىلىق ماسەلەلەرگە جاۋاپتى قاراۋ داعدىلارىن قالىپتاستىرۋعا، سونداي-اق زاڭسىز سحەمەلەرگە تارتۋدىڭ الدىن الۋعا باعىتتالعان.
دارىستەر بارىسىندا جوعارى سىنىپ وقۋشىلارى ينتەرنەت-الاياقتىقتى قالاي انىقتاۋ جانە ونىڭ قۇربانى بولماۋ جولدارى تۋرالى پراكتيكالىق ءبىلىم الادى.
وقۋشىلارعا «دروپپەرلەردىڭ» كىم ەكەنى، قارجىلىق پيراميدالاردىڭ قالاي جۇمىس ىستەيتىنى ءتۇسىندىرىلىپ، كۇماندى سىلتەمەلەر مەن سايتتاردى تەكسەرۋدىڭ قاراپايىم ءارى قولجەتىمدى تاسىلدەرى كورسەتىلەدى.
ەرەكشە كوڭىل جاسوسپىرىمدەردىڭ «ينتەرنەت-الاياقتارعا» قارسى تۇرۋ داعدىلارىن قالىپتاستىرۋعا جانە سيفرلىق ورتادا سىني ويلاۋىن دامىتۋعا بولىنەدى.
جاڭا وقۋ جىلىنىڭ باسىنان بەرى الماتى قالاسى بويىنشا دەر قىزمەتكەرلەرى قالاداعى جوو-لاردا، كوللەدجدەردە جانە مەكتەپتەردە كەزدەسۋلەر وتكىزىپ، 1000-نان استام تىڭداۋشىلاردى قامتىدى. دارىستەر وقۋشىلار مەن پەداگوگتاردىڭ جاندى قىزىعۋشىلىعىن تۋعىزىپ، الىنعان اقپاراتتىڭ پراكتيكالىق ماڭىزدىلىعى اتالىپ ءوتتى.
مۇنداي ءىس-شارالاردى وتكىزۋ جۇمىسى قالانىڭ بارلىق اۋداندارىندا جالعاسىن تابادى، وسىلايشا الماتىلىق جاستاردىڭ كوبىرەك بولىگى ءقاۋىپسىز ءارى سانالى قارجىلىق مىنەز-قۇلىققا قاجەتتى ءبىلىم الادى.