تاۋەلسىزدىك رۋحىمىزدى اسقاقتاتىپ،بولاشاققا دەگەن سەنىمىمىزدى كۇشەيتتى.
نۇرسۇلتان نازاربايەۆ.
2006 جىلدىڭ باستى وقيعالارى
- ق ر پرەزيدەنتىنىڭ يناۋگۋراسياسى
- نۇرسۇلتان نازاربايەۆتىڭ قازاقستان حالقىنا جولداۋى
- ق ر تاۋەلسىزدىگىنە - 15 جىل! «تاۋەلسىزدىك تاڭى» ەسكەرتكىشىنىڭ اشىلۋى.
- الەمدىك جانە ءداستۇرلى دىندەر كوشباسشىلارىنىڭ ءىى ءسامميتى.
- ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ ءىى ءسامميتى
2006 جىل ەل ومىرىندە قازاقستاندىق ۇلتتىق يدەيانىڭ تۇجىرىمداماسى نەگىزدەلىپ، دامۋدىڭ جوعارى ديناميكالىق ، ۇزاقمەرزىمدى باعدارلارى قالىپتاسقان جىل بولدى. ىشكى ساياساتتا، ەكونوميكادا، سىرتقى ساياساتتا قازاق ەلى ءمانى مەن ماڭىزى جوعارى ءىرى-ىرى وقيعالاردى باستان وتكەردى. قازاقستاندىق مۇددەنىڭ كوپۆەكتورلىق باعىتىن ۇستانعان ەل بيلىگى رەسەيمەن، جۇڭگو حالىق رەسپۋبليكاسىمەن، اقش-پەن، ەۋرووداقپەن، ورتا ازيا جانە مۇسىلماندىق شىعىس مەملەكەتتەرىمەن ىنتىماقتاستىقتىڭ ىقپالدى دەڭگەيىن قالىپتاستىرا ءبىلدى. رەسەيگە، اقش-قا، ۇلىبريتانياعا، قىتايعا، بەلگياعا، يسپانياعا، مالايزياعا، تۇركياعا، يوردانياعا جانە ت.ب. مەملەكەتتەرگە رەسمي ءىس-ساپارلار ناتيجەلىلىگىمەن ەرەكشەلەندى. ەلباسى جىل بويى 11 سامميتكە ( تاۋەلسىز مەملەكەتتەر دوستاستىعى، شانحاي ىنتىماقتاستىق ۇيىمى، ۇجىمدىق قاۋىپسىزدىك جونىندەگى شارت ۇيىمى، ەۋرازەق، ازياداعى ءوزارا ءىس-قيمىل جانە سەنىم شارالارى جونىندەگى كەڭەس، تۇركىتىلدەس مەملەكەتتەر، ۇلكەن سەگىزدىك سامميتتەرى جانە ورتالىق ازيا مەملەكەتتەرى باسشىلارىنىڭ بەيرەسمي ءسامميتى، ت.ب) قاتىستى. ال، ىشكى ساياساتقا كەلەر بولساق، وسى ءبىر جىل اياسىندا ەلدەگى دەموكراتيالىق رەفورمالارعا دا ايىرىقشا باسىمدىق بەرىلىپ، ونىڭ باعدارلاماسىن دايارلاۋ مەن ناقتىلاۋ جونىندەگى مەملەكەتتىك كوميسسيانىڭ بەس وتىرىسى وتكىزىلدى. 2006 جىلى قازاقستان رەسپۋبليكاسىنىڭ مەملەكەتتىك تاۋەلسىزدىگىنە –15 جىل، جەلتوقسان كوتەرىلىسىنە – 20 جىل تولدى.
6-قاڭتار
ەلىمىزدىڭ جاڭا مەملەكەتتىك ءانۇرانى بەكىتىلگەن كۇن. ونىڭ نەگىزى رەتىندە حالقىمىزدىڭ اراسىندا كەڭىنەن تانىلعان، اتاقتى كومپوزيتور ءشامشى قالداياقوۆ 1956 جىلى اقىن جۇمەكەن ناجىمەدەنوۆتىڭ سوزىنە جازعان «مەنىڭ قازاقستانىم» پاتريوتتىق ءانى تاڭداپ الىندى. مەملەكەت باسشىسى نۇرسۇلتان نازاربايەۆ انگە مەملەكەتتىك ءانۇران جوعارى مارتەبەسىن بەرۋ ءۇشىن جانە ءاننىڭ اناعۇرلىم سالتاناتتى شىرقالۋى ماقساتىندا مۋزىكالىق تۋىندىنىڭ باستاپقى ءماتىنىن وڭدەپ، وھزگەرىس ەنگىزدى. قازاقستان پارلامەنتى پالاتالارىنىڭ 2006 جىلعى 6 قاڭتارداعى بىرلەسكەن وتىرىسىندا «مەملەكەتتىك رامىزدەر تۋرالى» جارلىققا ءتيىستى تۇزەتۋ ەنگىزىپ، ەلىمىزدىڭ جاڭا مەملەكەتتىك ءانۇرانىن بەكىتىلدى.
11 قاڭتار
«اقوردا» رەزيدەنسياسىندا قازاقستان رەسپۋبليكاسى پرەزيدەنتىنىڭ يناۋگۋراسياسى وتكەن كۇن. مەملەكەت باسشىسىنىڭ جاڭادان قىزمەتكە كىرىسۋى الەم مەملەكەتتەرىنىڭ نازارىن قازاقستانعا اۋدارىپ، يناۋگۋراسيا سىرتقى ساياساتتاعى ديپلوماتيالىق قىزمەتكە جاڭا سەرپىن بەردى. حالىقارالىق قاۋىمداستىقتاعى قازاقستاننىڭ مارتەبەلى ءرولىن ۇلىقتاۋ، الەمنىڭ وركەنيەتتى ەلدەرىمەن ءوزارا ىنتىماقتاستىق پەن ىقپالداستىق تۇراقتىلىعىن ساقتاپ قالۋ،ودان ءارى دامىتۋ ەل بيلىگى ءۇشىن اسا ماڭىزدى ەدى. سوندىقتان دا يناۋگۋراسيا ءراسىمى اياقتالىسىمەن-اق، نۇرسۇلتان نازاربايەۆ سالتاناتتى شاراعا قۇرمەتتى قوناق رەتىندە قاتىسقان ءبىرقاتار مەملەكەتتەر باسشىلارىمەن ەكىجاقتى قارىم-قاتىناستى ودان ءارى دامىتۋ ماقساتىن كوزدەگەن كەلىسسوزدەر جۇرگىزدى.
25 قاڭتار
سانكت-پەتەربۋرگتە ەۋرازەق-تىڭ مەملەكەتارالىق كەڭەسىنىڭ ءسامميتى ءوتتى. وعان مۇشە مەملەكەتتەر باسشىلارى وزبەكستاننىڭ ەۋرازيالىق ەكونوميكالىق قوعامداستىققا قوسىلۋى تۋرالى قۇجات قابىلدادى. نۇرسۇلتان نازاربايەۆ ەۋرازەق-تىڭ ەكونوميكالىق كوميسسياسىن قۇرۋدى ۇسىندى.قازاقستان مەن رەسەي مەملەكەتتەرى باسشىلارى اتوم ەنەرگياسىن بەيبىت ماقساتتا پايدالانۋ سالاسىنداعى ەكى ەل ىنتىماقتاستىعىن دامىتۋ جونىندەگى بىرلەسكەن مالىمدەمەگە قول قويدى.
1 ناۋرىز
ەلباسى قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسىندا ءوزىنىڭ قازاقستان حالقىنا ءداستۇرلى جولداۋىن جاريالادى.
26 ءساۋىر
قازاق كسر ءنىڭ حالىق ءارتىسى، ونەرتانۋ عىلىمىنىڭ دوكتورى، پروفەسسور جانە اكادەميك ، مەملەكەتتىك سىيلىق يەگەرى، قازاق مۋزىكاسىنىڭ زەرتتەۋشىسى، كورنەكتى عالىم، اتاقتى كومپوزيتور احمەت جۇبانوۆتىڭ تۋعان كۇنى. ەلىمىز اتاقتى تۇلعانىڭ 100 جىلدىق مەرەيتويىن يۋنەسكو كولەمىندە (14-15 قىركۇيەكتە اقتوبە وبلىسىندا سالتاناتتى جيىن بولدى) اتاپ ءوتتى.
15 ماۋسىم
جۇڭگو حالىق رەسپۋبليكاسىندا شانحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ ءسامميتى ءوتتى.
17 ماۋسىم
مەملەكەت باسشىسى الماتىدا وتكەن ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ سامميتىنە قاتىستى.
18 ماۋسىم
تاۋەلسىز قازاقستاننىڭ عارىشتىق تاريحىنىڭ جاڭا جولى اشىلدى. «بايقوڭىر» عارىش ايلاعىنان قازاقستاندىق تۇڭعىش عارىشتىق بايلانىس جانە تاراتۋ سەرىگى – «KazSat» ۇشىرىلدى.
4 شىلدە
ەل ومىرىندە قازاقستاننىڭ ساياسي-پارتيالىق دامۋ ارحيتەكتۋراسىن وزگەرتكەن ماڭىزدى ساياسي وقيعا بولدى: قازاقستاننىڭ حالىقتىق كواليسياسىنىڭ نەگىزگى يادروسىن قۇراعان «وتان» مەن «اسار» پارتيالارى بىرىكتى.
ءبىزدىڭ دايەكتەمە: قاراشا-جەلتوقسان ايلارىندا قازاقستاننىڭ ازاماتتىق جانە اگرارلىق پارتيالارى دا «وتانعا» قوسىلادى. ال، جىل اياعىندا قۇرامى جاڭالانىپ، ىرىلەنگەن ۇيىم «نۇر وتان» حالىقتىق-دەموكراتيالىق پارتياسى بولىپ اتاۋىن وزگەرتەدى. ونىڭ ءتوراعاسى بولىپ نۇرسۇلتان نازاربايەۆ سايلانادى. جالپى، ساراپشىلاردىڭ تۇجىرىمداۋىنشا، قازاقستاننىڭ ساياسي كەڭىستىگىندە «نۇر وتاننىڭ» پايدا بولۋى - قازاقستاندا يننوۆاسيالىق ەكونوميكانىڭ نەگىزدەرىن ، ۇتقىر ساياسي رەفورمالار جۇرگىزۋدىڭ ادىستەرىن ، الەۋمەتتىك جانە ەكونوميكالىق قۋاتتى ۇدەرىستى جۇزەگە اسىرۋداعى ەل پرەزيدەنتىنىڭ جوباسىن قوعامدىق،حالىقتىق قولداۋدىڭ كورىنىسى بولدى.
11 شىلدە
مەملەكەتتىك ساپارمەن حورۆاتياعا بارعان نۇرسۇلتان نازاربايەۆ وسى ەلدىڭ پرەزيدەنتى س.مەسيچپەن، پرەمەر-مينيسترى ي.سانادەرمەن كەزدەستى. حورۆاتيا قازاقستاننىڭ دۇنيەجۇزىلىك ساۋدا ۇيىمىنا قابىلدانۋىنا قولداۋ كورسەتەتىنى تۋرالى بىرلەسكەن مالىمدەمەگە قول قويىلدى.
17 شىلدە
سانكت-پەتەربۋرگتە ۇلكەن سەگىزدىكتىڭ ءسامميتى ءوتتى. ونىڭ جۇمىسىنا تاۋەلسىز مەملەكەتتەر دوستاستىعىنىڭ ءتوراعاسى رەتىندە نۇرسۇلتان نازاربايەۆ تا قاتىسىپ،ءسوز سويلەدى. سامميت بارىسىندا ەلباسى قحر ءتوراعاسى حۋ سزينتاومەن،اقش پرەزيدەنتى دجوردج بۋشپەن، فرانسيا پرەزيدەنتى جاك شيراكپەن، گفر كانسلەرى انگەلا مەركەلمەن،ءۇندىستان پرەمەر-مينيسترى مانموحان سينگحپەن ەكىجاقتى ىنتىماقتاستىق ماقساتىن كوزدەگەن كەلىسسوزدەر جۇرگىزدى.
28 تامىز
مەملەكەت باسشىسى قازاقستانعا رەسمي ساپارمەن كەلگەن جاپونيا پرەمەر-مينيسترى د.كويدزۋميدى قابىلدادى. ەكىجاقتى كەلىسسوزدەر اياسىندا تاراپتار ىنتىماقتاستىقتى دامىتۋدىڭ بىرلەسكەن مالىمدەمەسى، اتوم ەنەرگياسىن بەيبىت ماقساتقا پايدالانۋ باعىتىنداعى قارىم-قاتىناستى ودان ءارى دامىتۋ جونىندەگى مەموراندۋمعا قول قويدى.
12-13 قىركۇيەك
ەلباسى نۇر-سۇلتاندا «ءدىن، قوعام جانە حالىقارالىق قاۋىپسىزدىك» تاقىرىبىمەن وتكەن الەمدىك جانە ءداستۇرلى دىندەر كوشباسشىلارىنىڭ ءىى سەزىنە قاتىسىپ،ءسوز سويلەدى. فورۋم جۇمىسىنا 26 مەملەكەتتەن 29 دەلەگاسيا كەلدى.ولاردىڭ اراسىندا الەمنىڭ بارلىق دىندەرى مەن كونفەسسيالارىنىڭ – يسلام، حريستيان، يۋدايزم، بۋدديزم، داوسيزم، سينتويزم جانە ت.ب. وكىلدەرى بولدى.
18 قىركۇيەك
2006 جىلى 18 قىركۇيەكتە جەلتوقسان كوتەرىلىسىنىڭ 20 جىلدىعىنا وراي الماتىدا مەملەكەت باسشىسى نۇرسۇلتان نازاربايەۆتىڭ قاتىسۋىمەن «تاۋەلسىزدىك تاڭى» مونۋمەنتى اشىلدى. اتاقتى قازاق ساۋلەتشىسى ءارى ديزاينەر تيمۋر سۇلەيمەنوۆتىڭ جوباسى بويىنشا جاسالعان مونۋمەنت جەلتوقسان داڭعىلى مەن ساتپايەۆ كوشەسىنىڭ قيىلىسىندا ورنالاسقان.
– جاستاردى الاڭعا شىعۋعا يتەرمەلەگەن جەلتوقسانداعى وقيعا ەلىمىزدىڭ تاۋەلسىزدىگىنىڭ جارشىسى بولدى. بۇل وقيعاعا ۇلتشىلدىق سيپاتىن بەرۋگە تالپىنىستار جاسالدى. ساياسي بيۋروعا ولاي ەمەس دەپ تۇسىندىرۋگە، سوعان وراي قابىلدانعان ارناۋلى قاۋلىنىڭ كۇشىن جويۋعا تۋرا كەلدى. ۇلتارالىق قاقتىعىس دەپ ءتۇسىندىرۋ پيعىلدارى دا بولدى. مۇلدەم ولاي بولماعانىن تاريحتىڭ ءوزى كورسەتىپ بەردى. جاستار بار بولعانى ادىلەتتىلىكتى، تەڭدىكتى، تاۋەلسىزدىكتى قالادى،– دەدى «تاۋەلسىزدىك تاڭى» ەسكەرتكىشىنىڭ اشىلۋ راسىمىندە ءسوز سويلەگەن نۇرسۇلتان نازاربايەۆ.
ءبىزدىڭ دايەكتەمە:
مونۋمەنت ءۇش بولىكتەن تۇرادى. ول قىزىل جانە اق گرانيتتەن جاسالعان ەكى پيلوننان تۇرادى. العاشقىسى وتكەن مەن بولاشاق اراسىنداعى قاقتىعىستى، جارىلىستى، حالىقتىڭ وزىندىك سانا-سەزىمىنىڭ سىلكىنىسىن بىلدىرەسە، ەكىنشىسى مەملەكەتتىڭ تاۋەلسىزدىگى مەن بوستاندىقتىڭ سالتانات قۇرۋىن مەڭزەيدى. كومپوزيسياعا سونداي-اق ۇشۋعا ۇمسىنعان ايەلدىڭ ءمۇسىنى ەنگىزىلگەن. ول وڭ قولىنا تاتۋلىققا شاقىرۋ نىشانى ىسپەتتى ورامال ۇستاعان. ال سول قولىندا بوستاندىققا تالپىنىستى، ۇشۋ بەلگىسىن بىلدىرەتىن قاناتىن جايعان قۇستى ۇستاعان. ەسكەرتكىشتىڭ ءۇشىنشى بولىگى - ويۋلى پاننو. وسى تاريحي وقيعاعا وراي الماتىداعى بۇرىنعى بەيبىتشىلىك داڭعىلى جەلتوقسان دەپ اتالدى.
26-29 قىركۇيەك
قازاقستان پرەزيدەنتى امەريكا قۇراما شتاتتارىنا رەسمي ساپارمەن باردى. كەزدەسۋ ۆاشينگتوندا اقش كونگرەسمەندەرىمەن باسقوسۋدان باستالدى. نۇرسۇلتان نازاربايەۆ اق ءۇي باسشىسى كىشى بۋشپەن جۇزدەسىپ، ەكى ەل اراسىنداعى ەلارالىق جانە حالىقارالىق ماسەلەلەردى تالقىلادى. دجوردج بۋشپەن حالىقارالىق ساياساتقا قاتىستى وزەكتى ماسەلەلەردى تالقىلادى. «Blair House» رەزيدەنسياسىندا امەريكاندىق سەناتورلار م.لاندرە، س.براۋنبەك پەن كونگرەسمەندەر ف.ينگليش، ت.لانتوس، ك.كەننون، دج.ساكستون، ر.ادەرحولد، ە.حاستينگس، د.ايسسا، ر.ۆەكسلەر، ش.بەركلي، پ.تيبەريي، س.كينگ، چ.مەلانسون قازاقستان پرەزيدەنتىمەن اشىق پىكىرلەستى. وندا ەكى ەل اراسىنداعى قارىم-قاتىناس ماسەلەسى قوزعالدى. امەريكالىق ينۆەستورلاردىڭ قازاقستاندا جۇمىس ىستەۋ شارتتارى ءسوز بولدى. ال، اقش-تاعى ىقپالدى ءارى قۇرمەتتى كونگرەسمەندەردىڭ ءبىرى – لاتوس قازاقستانداعى الەمدەگى ەكىنشى يادرولىق سىناق پوليگونىنىڭ جابىلعانىنا 15 جىل تولۋىنا وراي نۇرسۇلتان نازاربايەۆقا اقش كونگرەسىنىڭ 905 پالاتاسى وكىلدەرىنىڭ قۇتتىقتاۋ رەزوليۋسياسىن تاپسىردى. «اقش-پەن بىرلەسكەن قازاقستاننىڭ كوشباسشىلىعى وزگە مەملەكەتتەرگە ۇلگى بولۋى كەرەك» دەدى لاتوس.
ساپار بارىسىندا ەكى ەل اراسىنداعى ىنتىماقتاستىقتى دامىتۋدا ماڭىزدى ۋاعدالاستىققا قول جەتكىزىلدى، ءبىرقاتار ماڭىزدى كەلىسىم-شارتتارعا قول قويىلدى. نۇرسۇلتان نازاربايەۆ ۆاشينگتونداعى قازاق ەلىنىڭ تاۋەلسىزدىك مونۋمەنتىنىڭ اشىلۋ سالتاناتىنا قاتىستى.
«بۇگىن – قازاقستان مەن اقش تاريحىنداعى ەرەكشە كۇن. ءبىز العاش رەت شەت ەلدە تاۋەلسىزدىك مونۋمەنتىن اشىپ وتىرمىز. تاۋەلسىز ەلىمىزدىڭ سيمۆولىنا اينالعان بۇل ەسكەرتكىشتىڭ اقش استاناسىندا بوي كوتەرگەنىن ماقتان تۇتامىز. ءبىزدىڭ حالقىمىزدىڭ ەركىندىك پەن تاۋەلسىزدىككە دەگەن ۇمتىلىسىن بىلدىرەتىن وسى تاماشا ەسكەرتكىش قازاقستان مەن اقش-تىڭ ورتاق قۇندىلىقتارعا نەگىزدەلگەن تىعىز قارىم-قاتىناستارى مەن ستراتەگيالىق ارىپتەستىك بايلانىستارىن بىرىكتىرەتىن دانەكەر بولارىنا سەنەمىن»، - دەدى قازاقستان پرەزيدەنتى تاۋەلسىزدىك مونۋمەنتىنىڭ اشىلۋ سالتاناتىندا سويلەگەن سوزىندە.
15 قاراشا
2006 جىلدىڭ قاراشا ايىندا ۇلتتىق بانك تەڭگەنىڭ سيمۆولىن جاساۋعا بايگە جاريالاعان ەدى. 30 مىڭنان استام سۋرەت كەلىپ تۇسكەن بۇل بايگە 2007 جىلدىڭ 29-ناۋرىزى كۇنى ءوز مارەسىنە جەتتى. ۇلتتىق ۆاليۋتامىزدىڭ جاڭا ديزاينمەن اسپەتتەلگەن 200، 500، 1000، 2000، 5000 جانە 10000 تەڭگەلىك بانكنوتتارى اينالىمعا شىقتى. ولاردا مەملەكەتتىك رامىزدەرىمىز، ەلىمىزدىڭ ساۋلەت نىساندارى مەن تابيعي لاندشافتارى بەينەلەنگەن. 2007 جىلعى مامىر ايىندا تايلاندتا وتكەن ۆاليۋتا كونفەرەنسياسىندا قازاقستاننىڭ 10 مىڭدىق تەڭگەسى «ۇزدىك جاڭا بانكنوت» اتالىمى بويىنشا ءبىرىنشى ورىنعا يە بولدى.
17 قاراشا
تۇركيادا تۇركىتىلدەس مەملەكەتتەر باسشىلارىنىڭ VIII ءسامميتى ءوتتى. ەلباسى قاتىسقان بۇل القالى جيىندا مەملەكەتتەرارالىق ىنتىماقتاستىقتى كوزدەيتىن انتاليا دەكلاراسياسىنا قول قويىلدى.
2006 جىل، 20-22 قاراشا
نۇرسۇلتان نازاربايەۆ رەسمي ساپارمەن ۇلىبريتانياعا باردى. ساپار اياسىندا مەملەكەتىمىزدىڭ باسشىسى ۇلىبريتانيا جانە سولتۇستىك يرلانديا بىرىككەن كورولدىگىنىڭ كوروليەۆاسى ەليزاۆەتا ىى-ىمەن، پرەمەر-مينيستر توني بلەرمەن كەزدەسىپ،ەكىجاقتى قارىم-قاتىناستىڭ وزەكتى ماسەلەلەرى بويىنشا پىكىر الماستى.
2006 جىل، 4 جەلتوقسان
مەملەكەت باسشىسى جۇمىس ساپارىمەن بەلگيا استاناسى بريۋسسەلگە بارىپ، ەۋروپالىق وداقتىڭ جانە ناتو-نىڭ باسشىلارىمەن كەزدەسۋلەر وتكىزدى.
2006 جىل، 15 جەلتوقسان
ەلباسى نۇرسۇلتان نازاربايەۆ نۇر-سۇلتانداعى بەيبىتشىلىك جانە كەلىسىم سارايىندا وتكەن تاۋەلسىزدىگىمىزدىڭ 15 جىلدىعىنا ارنالعان سالتاناتتى جيىندا «قازاقستاندىق جول: تۇراقتىلىقتان – جاڭارۋ ارقىلى وركەندەۋگە» دەگەن تاقىرىپتا بايانداما جاسادى.
«بۇگىن بارشا قازاقستاندىقتار ەلىمىزدىڭ ەڭ ۇلىق مەرەكەسى – تاۋەلسىزدىك كۇنىن اتاپ وتۋدە. ازات قازاقستاننىڭ ەڭ قاستەرلى قۇندىلىعى – ەل تاۋەلسىزدىگىنە تۋرا ون بەس جىل تولدى...
ءبىز – ەجەلدەن ەر دەگەن داڭقى شىققان حالىقتىڭ ۇرپاعىمىز.
ءبىز – ەل بىرلىگى جولىندا ءارقاشان نامىسىن بەرمەگەن حالىقتىڭ ۇلانىمىز.
ءبىز – التىن كۇن بەدەرلەنگەن كوك بايراعىن الەم بيىكتەرىندە جەلبىرەتكەن بەيبىتشىل ەلدىڭ ازاماتىمىز.
ءبىز – كەڭ بايتاق جەرىندە بىرلىگى جاراسقان الۋان ۇلتتان تۇراتىن ءبىرتۇتاس حالىقپىز.
ءبىز – قازاقستاندىقتارمىز جانە مۇنى زور ماقتانىشپەن ايتامىز. قازاقستان مەملەكەتىن قۇرۋ، قازاقستاندىق بولۋ – بىزگە تاعدىر سىيلاعان ۇلى باقىت. ءبىز ونى ءاردايىم زور ماقتانىش سەزىممەن ۇرپاقتان ۇرپاققا تابىستايتىن بولامىز. ەندەشە ءاردايىم بار بولايىق، ءبىر بولايىق، اتا-بابا ارمانداعان ازات ەلىمىزبەن جارقىن بولاشاققا بىرگە بارايىق. تاۋەلسىز ەلىمىزدىڭ ءارقاشان تۋى بيىك، تۇعىرى بەرىك بولسىن. قازاقستاننىڭ تاۋەلسىزدىك كۇنى مەرەكەسى قۇتتى بولسىن!
(ەلباسى نۇرسۇلتان نازاربايەۆتىڭ قازاقستان رەسپۋبليكاسى تاۋەلسىزدىگىنىڭ 15 جىلدىعىنا ارنالعان سالتاناتتى جينالىستا سويلەگەن سوزىنەن).
2006 جىل، 31 جەلتوقسان
نۇرسۇلتان نازاربايەۆ قازاقستان حالقىن جاڭا جىل مەيرامىمەن، ەل مۇسىلماندارىن قۇربان ايت مەرەكەسىمەن قۇتتىقتادى.
«ءبىز بيىل ەل تاۋەلسىزدىگىنىڭ 15 جىلدىق مەرەكەسىن زور تابىستارمەن اتاپ وتتىك. بۇل جىلدار بارشا قازاقستاندىقتار ءۇشىن قايىرلى جىلدار بولدى. تۇبەگەيلى ەكونوميكالىق رەفورمالاردىڭ ناتيجەسىندە تۋعان قازاقستانىمىز الەم تانىعان قۋاتتى مەملەكەتكە اينالدى. اۋىلىمىز اباتتانىپ، قالالارىمىز كوركەيىپ، استانامىز الەمدەگى ەڭ ادەمى قالانىڭ بىرىنە اينالىپ كەلەدى. ەلىمىزدەگى ەڭبەكتەگەن بالادان ەڭكەيگەن قاريامىزعا دەيىن مەملەكەتتىڭ قامقورلىعىنا الىنىپ، ولارعا بەرىلەتىن الەۋمەتتىك تولەمدەر دە ەسەلەپ ءوستى. كەلەسى جىلدان باستاپ بارلىق مەملەكەتتىك قىزمەتكەرلەردىڭ جالاقىسى تاعى دا 30%-عا ارتاتىن بولادى. تۇرعىن ءۇي قۇرىلىسى دا قارقىنداپ ءوسىپ، جۇزدەگەن مىڭ قازاقستاندىقتار قونىس تويىن تويلادى. وتكەن جىلى ەلىمىزدە كوپتەگەن مەكتەپ، اۋرۋحانا، مادەنيەت ۇيلەرى مەن باسقا دا الەۋمەتتىك نىساندار سالىندى. وسى ءۇردىس كەلەر جىلى دا جالعاسىن تاباتىن بولادى. ەل مادەنيەتىن وركەندەتۋگە، قازاق ءتىلىنىڭ دارەجەسىن كوتەرۋگە ناقتى قادامدار جاسالدى. مەنىڭ رەسەي، اقش، ەۋرووداق، جۇڭگو ساپارلارىندا بولعانىم ەلىمىزدىڭ دۇنيەجۇزىندەگى مەرەيىن ۇستەم ەتە ءتۇستى».
(ەلباسى نۇرسۇلتان نازاربايەۆتىڭ قازاقستان حالقىن
جاڭا جىل مەرەكەسىمەن قۇتتىقتاۋىنان).
ستاتيستيكا:
2006 جىلى پرەزيدەنت رەسپۋبليكا وڭىرلەرىنە 14 رەت، شەت ەلدەرگە 24 رەت رەسمي ساپارعا شىقتى. ءبىر جىل ىشىندە بارلىعى 2200-دەن استام ءتۇرلى ماتەريالدار،1500-دەن استام قىزمەتتىك، تالدامالى جانە اقپاراتتىق-اۆنىقتامالىق قۇجاتتار قارالىپ، 98 زاڭ قابىلدانىپ، 233 جارلىققا قول قويىلدى.ەلباسى 90 كۇن ( ونىڭ 48 كۇنى – شەت ەلدە، 42 كۇنى رەسپۋبليكا ايماقتارىندا) ءىسساپاردا جۇرگەن ەكەن.جىل بويى 500-دەن استام پروتوكولدىق شارالارعا قاتىسىپتى.
جىل ءتۇيىنى
2006 جىلى ىشكى ساياساتتا مەملەكەتىمىزدىڭ ەكونوميكالىق قۋاتىن ارتتىرۋعا باعىتتالعان كوپتەگەن ستراتەگيالىق قۇجاتتار قابىلداندى. ەلباسى ۇسىنىسىمەن ەكونوميكانى ءتيىمدى باسقارۋدىڭ جاڭا ينستيتۋسيونالدىق نەگىزدەرى قالاندى: ۇلتتىق كومپانيالاردىڭ جانە مەملەكەتتىڭ مەنشىكتىك ۇلەسى بار اكسيونەرلىك قوعامداردىڭ قىزمەتىن ۇيلەستىرۋدى ماقسات ەتكەن، مەملەكەتتىك اكتيۆتەردى باسقارۋ جونىندەگى «سامۇرىق» حولدينگى مەن دامۋدىڭ ۇلتتىق ينستيتۋتتارىن ءتيىمدى باسقارۋعا جاۋاپتى «قازىنا» تۇراقتى دامۋ قورى قۇرىلدى. بۇل جىلى مەملەكەت باسشىسى الماتىدا اقپاراتتىق تەحنولوگيالار پاركىن، سولتۇستىك قازاقستان وبلىسىندا پوستكەڭەستىك كەڭىستىكتە انالوگى جوق «بيوحيم» وندىرىستىك كەشەنىن، اقمولا وبلىسىندا «كاzSat» عارىشتىق اپپاراتتارىن باسقارۋدىڭ جەر كەشەنىن، اقتوبە وبلىسىندا مىس رۋداسىن وڭدەۋ-بايىتۋ فابريكاسىن، ورال قالاسىندا گاز-تۋربين ستانساسىن، قاراعاندىدا زاماناۋي نەمىس تەحنولوگياسى بويىنشا قۇرىلىس جانە كەراميكا كىرپىشتەرىن شىعاراتىن زاۋىتتى ىسكە قوستى.
سىرتقى ساياساتتا قازاقستان – اقش، قازاقستان – قحر، قازاقستان – ەۋرووداق مەملەكەتتەرى اراسىندا دوستىق قارىم-قاتىناس پەن ستراتەگيالىق ارىپتەستىكتى نىعايتۋدىڭ نىق قادامدارى ايقىندالدى. قازاق بيلىگى حالىقارالىق قاۋىمداستىقپەن، وركەنيەتتى الپاۋىت ەلدەرمەن مەملەكەتارالىق جاڭا سيپاتتاعى ساياسي ديالوگ قالىپتاستىرا ءبىلدى. نۇرسۇلتان نازاربايەۆتىڭ رەسەيدە وتكەن «ۇلكەن سەگىزدىك» سامميتىنە قاتىسۋى قازاقستاننىڭ حالىقارالىق ارەناداعى ءوسىپ كەلە جاتقان مارتەبەلى بەدەلىن كورسەتسە كەرەك. ەرەكشە ايتا كەتەر قۇجاتتار – ءححى عاسىرداعى قازاقستان-قىتاي ىنتىماقتاستىعىنىڭ ستراتەگياسى مەن ەكونوميكالىق ىنتىماقتاستىقتى دامىتۋ كونسەپسياسى ەكىجاقتى ساۋدا-ەكونوميكالىق بايلانىس بولاشاعىنىڭ نەگىزىن قالادى. ەۋرووداقپەن ەنەرگەتيكا سالاسىندا ءوزارا ىنتىماقتاستىق تۋرالى بىرلەسكەن مالىمدەمە، يادرولىق ەنەرگيانى بەيبىت ماقساتتا پايدالانۋ جونىندەگى ىنتىماقتاستىق تۋرالى كەلىسىم جاسالدى. قازاقستان ەۋرووداقتىڭ ورتالىق ازيا مەن كاسپيي ايماعىنداعى ستراتەگيالىق ارىپتەسىنە اينالدى.
قازاقستان رەسپۋبليكاسىنىڭ 50 حالىقارالىق باستامالارىنان:
2006 جىلى:
قازاقستان رەسپۋبليكاسى اوسشك-كە ءتوراعالىق ەتتى.
- 2006 جىلعى 12-13 قىركۇيەكتە وتكەن الەمدىك جانە ءداستۇرلى دىندەر كوشباسشىلارىنىڭ II سەزىندە مەملەكەت باسشىسى نۇرسۇلتان نازاربايەۆ ەڭ تاياۋ جىلداردىڭ ءبىرىن حالىقارالىق ءدىني جانە مادەني تولەرانتتىلىق جىلى دەپ جاريالاۋ تۋرالى ۇسىنىس ەنگىزدى.