ءاربىر مەملەكەتتىڭ دامۋى ەڭ الدىمەن ونىڭ ەكونوميكاسىنا بايلانىستى. ال مىقتى ەكونوميكا – باسەكەگە قابىلەتتى ازاماتتاردىڭ ەڭبەگى ارقىلى قالىپتاسادى.
بۇگىندە بۇكىل الەمدە جاساندى ينتەللەكتتىڭ (جي) ىقپالى ارتىپ كەلەدى. ءومىردىڭ بارلىق سالاسىندا قولدانىلىپ جاتقان جاڭا تەحنولوگيالار بولاشاقتىڭ نەگىزىن قالاپ وتىر. سوندىقتان ەل ەرتەڭى سانالاتىن جاس ۇرپاققا بۇل ءبىلىمدى مەكتەپتەن باستاپ ۇيرەتۋ – ۋاقىت تالابى.
مۇعالىمدەردىڭ وزدەرى جي تەحنولوگيالارىن تولىق مەڭگەرگەندە عانا ونى وقۋشىلارعا ءتيىمدى جەتكىزە الادى. ويتكەنى جاساندى ينتەللەكت ۇستازدىڭ جۇمىسىن جەڭىلدەتىپ قانا قويماي، ۋاقىتتى ۇنەمدەۋگە، ارتىق شىعىنداردى قىسقارتۋعا، ءومىردى ىڭعايلى ەتۋگە مۇمكىندىك بەرەدى.
مەملەكەت باسشىسى ءوز جولداۋىندا اتاپ وتكەندەي، ءجي-دى مەكتەپ قابىرعاسىنان باستاپ وقىتۋ – قازاقستاننىڭ دامۋى ءۇشىن ماڭىزدى قادام. سونىمەن بىرگە پەداگوگتارعا ارنالعان وقىتۋ سەمينارلارىن ۇيىمداستىرۋ – ءبىلىم سالاسىنداعى باستى مىندەتتەردىڭ ءبىرى.
تەك وسىلايشا ءبىز بولاشاعى جارقىن، تەحنولوگيالىق تۇرعىدان دامىعان ەلدە ءومىر سۇرە الامىز.