ءدىن سالاسىنداعى ماسەلەلەردى زەرتتەۋ ورتالىعى تەرروريزم مەن ەكسترەميزمگە قارسى ءىس-قيمىل بويىنشا اقپاراتتاندىرۋ ماقساتىندا سپورتشىلارعا ارنالعان پروفيلاكتيكالىق ءىس-شارا ۇيىمداستىردى.
الماتىدا وتكەن كەزدەسۋدە نەگىزگى نازار قۇقىقتىق ساۋاتتىلىقتى ارتتىرۋ مەن سىني ويلاۋدى دامىتۋعا اۋدارىلدى. بۇل – جاستاردى دەسترۋكتيۆتى يدەولوگيالاردان قورعاۋدىڭ ماڭىزدى تەتىكتەرى. ءىس-شاراعا قالانىڭ سپورتشىلارى مەن جاتتىقتىرۋشىلارى قاتىستى.
باستى بايانداماشى رەتىندە ورتالىق ءبولىمىنىڭ باسشىسى ءۋالي قايسار ەرجان ۇلى ءسوز سويلەدى. ول راديكالدى يدەولوگيالاردىڭ بەلگىلەرى تۋرالى جان-جاقتى ءتۇسىندىرىپ، ەكسترەميستىك ۇيىمداردىڭ جاستار ساناسىنا اسەر ەتۋ ءۇشىن قولداناتىن مانيپۋلياسيالىق ادىستەرىن اتاپ ءوتتى جانە ولاردى دەر كەزىندە تانۋ جولدارىمەن ءبولىستى.
سونىمەن قاتار، كۇماندى تۇلعالاردان نەمەسە رەتتەلمەگەن ونلاين كوزدەردەن ءبىلىم الۋ قاۋىپتەرى دە تالقىلاندى. بۇل – اسىرەسە الەۋمەتتىك جەلىلەر مەن ينتەرنەت-پلاتفورمالار ارقىلى ءجيى تارالاتىن قازىرگى زاماننىڭ وزەكتى ماسەلەسى.
ءىس-شارا قورىتىندىسىندا قاتىسۋشىلار مۇنداي باستامالاردىڭ ماڭىزدىلىعىن اتاپ ءوتتى. الىنعان اقپارات جاستاردىڭ راديكالدى يدەولوگياعا قارسى يممۋنيتەتىن قالىپتاستىرۋعا جانە جەكە ءارى قوعامدىق قاۋىپسىزدىكتى ارتتىرۋعا ىقپال ەتەتىنىنە سەنىم ءبىلدىردى.