ونىڭ المالى اۋدانىندا جاسالعان ءتورت ۇرلىق دەرەگىنە قاتىسى بار ەكەنى انىقتالدى، دەپ حابارلايدى aqshamnews.kz Polisia.kz-كە سىلتەمە جاساپ.
الماتى قالاسىندا كوپقاباتتى تۇرعىن ۇيلەردىڭ اۋلاسىنان ۆەلوسيپەد ۇرلادى دەگەن كۇدىكپەن ەر ادام ۇستالدى. تەرگەۋ دەرەكتەرىنە سايكەس، 1981 جىلى تۋعان ازامات كوپقاباتتى ۇيلەردىڭ كىرەبەرىسىنە كەدەرگىسىز كىرىپ، يەسىز قالعان ۆەلوسيپەدتەردى ۇرلاپ جۇرگەن.
- ۇستالعان ادام ستاندارتتى تىزبەك بويىنشا ارەكەت ەتكەن. اشىق قالعان پودەزدەردى ىزدەپ، ەركىن كىرىپ، جالپى دالىزدەردە قالدىرىلعان مۇلىكتى الىپ كەتىپ وتىرعان. قۇرمەتتى قالا تۇرعىندارى، ۆەلوسيپەدتەردى، ساموكاتتاردى جانە وزگە دە زاتتاردى كىرەبەرىستەردە، حوللداردا، باسپالداق الاڭدارىندا قالدىرماۋلارىڭىزدى سۇرايمىز. بۇل جەرلەر ءقاۋىپسىز بولىپ كورىنسە دە، مۇلكىڭىزدىڭ قاۋىپسىزدىگىن قامتاماسىز ەتۋ ءۇشىن قۇلىپتار قولدانىڭىزدار جانە تەحنيكانى جابىق بولمەلەردە ساقتاڭىزدار، - دەدى المالى اۋداندىق پوليسيا باسقارماسىنىڭ باستىعى ماقسات پشان.
جوعارىدا اتالعان دەرەكتەر بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى. وسىعان ۇقساس باسقا دا وقيعالارعا قاتىسى بار-جوعىن تەكسەرۋ جالعاسۋدا.