الماتىدا بالالار-جاسوسپىرىمدەر سپورت مەكتەپتەرىنىڭ تاربيەلەنۋشىلەرى مەن ولاردىڭ جاتتىقتىرۋشىلارى «الماتى – ءبىزدىڭ ورتاق ءۇيىمىز» قالالىق باستاماسى جانە رەسپۋبليكالىق «تازا قازاقستان» باعدارلاماسى اياسىندا ءوتىپ جاتقان «جارقىن كۇز» كۇزگى ناۋقانىن قولدادى، دەپ حابارلايدى aqshamnews.kz
جاس سپورتشىلار مەن ولاردىڭ تالىمگەرلەرى چەللەندجگە قاتىستى، وقۋ ورىندارىنىڭ اۋماعىن تازالاپ، قوقىس جينادى. ولار ءار ادامنىڭ ءبىزدىڭ ورتاق ءۇيىمىز – الماتىنىڭ تازالىعى مەن سۇلۋلىعىن ساقتاۋ جولىندا ۇلەس قوسۋىنىڭ ماڭىزدىلىعىن اتاپ ءوتتى.
«الماتى – ءبىزدىڭ ورتاق ءۇيىمىز، ونى تازا ءارى ادەمى ەتۋ ءۇشىن ەڭ الدىمەن وزىمىزدەن باستاۋىمىز كەرەك»، – دەدى سپورتشىلار.
سونداي-اق، چەللەندج قاتىسۋشىلارى قالا تۇرعىندارىن سۇيىكتى قالامىزدى كۇتىپ-باپتاۋعا، ەكولوگيالىق ناۋقانعا ۇلەسن قوسۋعا شاقىردى.
«بارلىق نيەت بىلدىرۋشىلەر كوشەگە شىعىپ، قالامىزدى كوركەيتۋگە، اعاش وتىرعىزۋعا قاتىسا الادى. الماتىنى بىرگە تازا ءارى گۇلدەنگەن قالاعا اينالدىرايىق»، – دەدى ورمبجسم №2 تاربيەلەنۋشىسى، ازيا چەمپيوناتىنىڭ جۇلدەگەرى ماكسيم بالابين.
ەستەرىڭىزگە سالا كەتەيىك، 18-24 قازان ارالىعىندا الماتىدا قالا كوشەلەرىندە، اۋلالاردا، قوعامدىق ورىندارىندا جانە جول بويىنداعى ينفراقۇرىلىمدا اعاشتاردى سانيتارلىق ماقساتتا كەسۋ، تۇسكەن جاپىراقتار مەن قوقىستاردى جيناۋ بويىنشا اۋقىمدى جۇمىستار قولعا الىنعان.