ەلىمىزدە 28 قاراشا كۇنى الماتىدا العاش رەت تاكسي نارىعىنا قاتىستى فورۋم وتەدى، دەپ حابارلايدى aqshamnews.kz.
فورۋمدا تاكسي نارىعىن رەتتەۋ، قازاقستانداعى بولاشاعى، تاكسي قىزمەتىنە سالىق سالۋ، پاركتەردى اۆتوكولىكتەرمەن قامتاماسىز ەتۋ، تۇتىنۋشى قاۋىپسىزدىگى، سالانى قارجىلاندىرۋ، ساقتاندىرۋ جانە الماتى قالاسىنىڭ تاكسي پاركىن ەلەكتر كولىكتەرىنە كوشىرۋ سىندى وزەكتى ماسەلەلەر تالقىلانباق.
جيىنعا سالا ماماندارى مەن ساراپشىلار قاتىسادى. سونداي-اق تاكسي يندۋسترياسى قاۋىمداستىعىنىڭ، Yandex Go كومپانياسىنىڭ باسشىلارى قاتىسادى.
ۇلتتىق ستاتيستيكا بيۋروسىنىڭ مالىمەتىنشە، 2024 جىلدىڭ بەس ايىندا اتالعان نارىق سۋبەكتىلەرىنىڭ كىرىسى 3 373،5 ملن تەڭگە بولعان. جالپى 28 437،5 مىڭ ادام تاسىمالدانعان.
ەسكە سالا كەتەيىك، بۇعان دەيىن ەلىمىزدە تاكسي جۇرگىزۋشىلەردىڭ جۇمىسىنا وزگەرىستەر ەنگىزىلەتىنى جايىندا جازعان ەدىك.