بايقاۋ 29 مامىر مەن 4 ماۋسىم ارالىعىندا وتەدى
«جاس قانات» رەسپۋبليكالىق مۋزىكالىق بايقاۋى كەلەسى جىلى 29 مامىر مەن 4 ماۋسىم ارالىعىندا وتەدى، دەپ حابارلايدى Almaty-akshamy.kz «ازيا داۋىسى» حالىقارالىق فەستيۆالىن ۇيىمداستىرۋ كوميتەتىنىڭ باسپا ءسوز قىزمەتىنە سىلتەمە جاساپ.
«ازيا داۋىسى» ءاف قوعامدىق قورىنىڭ قۇرىلتايشىسى جانە پرەزيدەنتى يرينا كوۆىرياكو بريفينگتە 16 مەن 27 جاس ارالىعىنداعى دارىندى قازاقستاندىقتاردىڭ قاتىسۋعا ءوتىنىش بەرە الاتىنىن ايتتى.
«جاس قانات» كونكۋرسىن وتكىزۋ مەرزىمى بەكىتىلدى: ول 29 مامىر مەن 4 ماۋسىم ارالىعىندا وتەدى. سونداي-اق «جاس قانات. بالالار» جەڭىمپازدارى «ازيا داۋىسى» حالىقارالىق بايقاۋىنا اۆتوماتتى تۇردە قاتىساتىن بولادى. بيىل «جاس قانات» باعدارلاما اياسىندا قاتىسۋشىلار وركەستر مەن live-band سۇيەمەلدەۋىمەن، حاريزماسىمەن كورەرمەندەردى باۋراپ ونەر كورسەتكەنىمەن ەرەكشەلەنەتىن بولادى. وتىنىمدەردى قابىلداۋدى 2023 جىلدىڭ 15 اقپانىنا دەيىن ۇزارتتىق. شاقىرۋ ەلدىڭ بارلىق ايماقتارىنا جىبەرىلدى جانە 40-تان استام ءوتىنىم جينالدى»،- دەيدى ول.
سونىمەن قاتار يرينا كوۆىرياكو پاندەمياعا دەيىنگى سوڭعى بايقاۋ 2019 جىلى وتكەنىن جانە 2020 جىلى مۇرات ەرعالييەۆ پەن الەكساندر پونوماريەۆ وتىنىمدەردىڭ ءبىر بولىگىن قابىلداپ ۇلگەرگەنىن اتاپ ءوتتى.
«سوندىقتان بۇرىن جينالعان جۇمىستار قايتا قاراستىرىلاتىن بولادى. سونداي – اق ءداستۇرلى نوميناسيالاردان باسقا، بيىل مۇرات ەرعالييەۆ پەن الەكساندر پونوماريەۆ اتىنداعى ارنايى گران-پري بولادى. جەڭىمپاز «ازيا داۋىسىنا» قاتىسادى»، - دەيدى سپيكەر.
2023 جىلى «جاس قانات» بايقاۋىنا 32 جىل تولادى. بۇل قازاقستاندا ۇلتتىق-مۋزىكالىق جوبا. اتالعان بايقاۋ 100-دەن استام ەلىمىزگە، سونىمەن قاتار شەتەلدە سۇيىكتى جانە تانمال ورىنداۋشىلاردى تانىتتى.
قازاقتىڭ ەڭ تانىمال انشىلەردىڭ كوبىسى «جاس قانات» بايقاۋىنا قاتىسقان جانە ۆوكالدىق، ساحنالىق مەكتەپتى بىتىرگەن. لاۋرەاتتار مەن ديپلومانتتار: مەدەۋ ارىنبايەۆ، نۇرلان ابدۋللين، ەرلان كوكەيەۆ، «ۋركەر» توبى، مادينا ءسادۋاقاسوۆا، جانار دۇعالوۆا، مارجان اراپبايەۆا، ديماش قۇدايبەرگەن جانە تاعى باسقالارى.