«جاس قالامگەر» جوباسى جۇمىسىن باستادى

ەلىمىزدە العاش رەت «جاس قالامگەر» وقىتۋ مەكتەبى قولعا الىندى

اتالعان جوبا مادەنيەت جانە سپورت مينيسترلىگىنىڭ قول­داۋىمەن ەلىمىزدە العاش رەت مەملەكەتتىك الەۋمەتتىك تاپسىرىس شەڭبەرىندە جۇزەگە اسىرىلىپ وتىر، دەپ حابارلايدى Almaty-akshamy.kz.

الەۋمەتتىك جوبا وقۋ ساۋاتتىلىعىن ارتتىرۋ، جاس دارىنداردىڭ تانىمدىق-شىعارماشىلىق بەلسەندىلىگىن دامىتۋدى ماقسات ەتىپ وتىر.

باستامانى «قازاقستاننىڭ جاستار كونۆەنتى» قورى جۇزەگە اسىرادى. الداعى ۋاقىتتا وقىتۋ مەكتەپتەرىندە ەلورداداعى ورتا جانە ارناۋلى ورتا وقۋ ورىندارىنىڭ 10-18 جاس ارالىعىنداعى دارىندى بالالارى ادەبيەت سالاسىنىڭ دراماتۋرگيا، پوەزيا، پروزا باعىتى مەن «عىلىم تاپ = Find science» (اباي شىعارمالارىن اعىلشىن تىلىندە وقىتۋ)، «ولەڭگە اركىمنىڭ-اق بار تالاسى» اتتى تاقىرىپتار بويىنشا ءدارىس الادى.

وقىتۋ مەكتەبىنە قاتىسۋشى بالالارعا اقىن نەسىپ­بەك ايت ۇلى، جازۋشى-دراماتۋرگ، مەملەكەتتىك سىي­لىقتىڭ لاۋرەاتى روزا مۇقانوۆا، اقىن، فيلولوگيا عىلىم­دارىنىڭ دوكتورى جانات اسكەربەك قىزى، فيلولوگيا عىلىمدارىنىڭ كانديداتى، ايتىسكەر-اقىن سەرىكزات دۇيسەنعازى، ابايتانۋشى-جۋرناليست ەرنات مەلس ۇلى جانە تاعى باسقا اقىن-جازۋشىلار ءدارىس وقيدى.

جوبا اياسىندا بيىل 10 تامىز بەن 5 قىركۇيەك ارا­لىعىندا قابىلدانعان وتىنىشتەر ناتيجەسىندە جوباعا 200-گە جۋىق بالا قاتىساتىنى بەلگىلى بولدى. وقىتۋ 8-20 قىركۇيەك ارالىعىندا وتەدى.