الماتى قالاسى اكىمدىگىنىڭ مادەنيەت باسقارماسى مەن قازاقستان جازۋشىلار وداعى «JAS QALAM» اتتى بالالار ادەبيەتىنىڭ ۇزدىك تۋىندىلارىنىڭ رەسپۋبليكالىق كونكۋرسىن جاريالايدى
2022 جىلدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ بالالار جىلى دەپ مالىمدەگەنى بارشاعا بەلگىلى. اتالعان بايقاۋ بالالار ادەبيەتىنە قالام تەربەۋگە مۇددەلى قالامگەرلەر قاتارىن كوبەيتۋ ءارى بۇگىنگى ادەبيەتكە بالالار ادەبيەتى باعىتىنداعى جاڭا شىعارمالار لەگىن قوسۋ ماقساتىندا ۇيىمداستىرىلىپ وتىر، دەپ حابارلايدى Almaty-akshamy.kz. Egemen.kz-كە سىلتەمە جاساپ.
بۇل بايقاۋدى بيىلعى بالالار جىلى اياسىنداعى وزىق شارالاردىڭ ءبىرى دەپ اتاۋعا بولادى. كەلىپ تۇسكەن شىعارمالاردىڭ كىتاپ بولىپ جارىق كورەتىنىنەن بولەك، بايقاۋدىڭ قوماقتى قارجىلاي جۇلدەسى ارقىلى جاس قالامگەرلەردىڭ شىعارماشىلىعىنا قولداۋ كورسەتۋ كوزدەلگەن.
بايقاۋعا شىعارمالار تومەندەگى ءۇش جانر بويىنشا قابىلدانادى:
- پروزا؛
- پوەزيا؛
- دراماتۋرگيا.
جۇلدەلەر ءار جانر بويىنشا:
ءى ورىن: 1 000 000 تەڭگە
ءىى ورىن: 800 000 تەڭگە
ءىىى ورىن: 500 000 تەڭگە
بايقاۋعا شىعارمالار 10 جەلتوقسانعا دەيىن عانا قابىلدانادى.
شىعارمالاردىڭ راسىمدەلۋىنە قويىلاتىن تالاپتار:
پروزا: 10 بەتتەن كەم ەمەس، ءپىشىنى: 14،Times New Roman قارپىمەن، 1 ينتەرۆال.
پوەزيا: 10 شۋماقتان كەم ەمەس، ءپىشىنى: 14، Times New Roman قارپىمەن، 1 ينتەرۆال.
دراماتۋرگيا: 15 بەتتەن كەم ەمەس، ءپىشىنى: 14، Times New Roman قارپىمەن، 1 ينتەرۆال.
بۇرىن جاريالانعان شىعارمالار قابىلدانبايدى.
بايقاۋعا قولىنان جازۋ كەلەتىن، 18-35 جاستاعى قازاقستان اۋماعىندا تۇراتىن كەز كەلگەن قالامگەر قاتىسا الادى. سونىمەن قاتار ءار قاتىسۋشىدان تەك ءبىر عانا اتالىم بويىنشا شىعارما قابىلدانادى.
قاتىسۋشىلاردى ىرىكتەۋ كريتەرييلەرى:
1. بايقاۋعا كومپيۋتەردە تەرىلگەن شىعارمالار قابىلدانادى. شىعارمالاردى قابىلداۋ ءۇشىن ءار قاتىسۋشى ءوزىنىڭ تولىق ءاتى-جونى، ءوزى تۋرالى تولىق ماعلۇمات (جاسى، بايلانىس ءنومىرى، تۇرعىلىقتى مەكەنجايى، جۇمىس نەمەسە وقۋ ورنى،شىعارماشىلىق ءومىربايانى) ۇسىنىلعان قاتىسۋشى پاراعىن تولتىرىپ جىبەرۋى ءتيىس. (ەرەجەگە قوسىمشا №1 قاتىسۋشى پاراعى تىركەلگەن).
2. ساپالى ورىندالعان جۇمىستار عانا قابىلدانادى (قولجازبالار بايقاۋعا جىبەرىلمەيدى).
3. كەلىپ تۇسكەن شىعارمالار ساراپتاما كەزەڭىنە نومىرلەنىپ ۇسىنىلادى. ياعني ساراپشىلار اۆتورعا ەمەس تەك شىعارماعا باعا بەرەدى.
ەسكەرەتىن جايت: قاتىسۋشى پاراعى جوق نەمەسە تولتىرىلماعان، شىعارمالارى بايقاۋ تالابىنا سايكەس كەلمەيتىن، بۇرىن جاريالانعان جۇمىستار بايقاۋدىڭ ساراپتامالىق كەزەڭىنە جىبەرىلمەيدى.
قاتىسۋشى پاراعى تولتىرىلعان، «بالالار بايقاۋىنا» دەگەن تاقىرىپ قويىلعان وتىنىمدەر baiqau2022@gmail.com ەلەكتروندى پوشتاسىندا قابىلدانادى.
ۇيىمداستىرۋشىلاردىڭ بايقاۋعا كەلىپ تۇسكەن شىعارمالاردى اۆتوردىڭ رۇقساتىنسىز، قالاماقىسىز بالالار ادەبيەتىن ناسيحاتتاۋ ماقساتىندا جاريالاۋعا جانە تاراتۋعا تولىق قۇقى بار.