الماتىدا جاس بوسانعان انالار دا ساياسي ناۋقاننان قالىس قالماي، داۋىس بەردى.
№4 قالالىق پەرزەنتحانادا №475 سايلاۋ ۋچاسكەسى ۇيىمداستىرىلىپ، ونداعى 101 ايەل تۇگەلدەي سايلاۋعا قاتىستى، دەپ حابارلايدى Almaty-akshamy.kz
الماتى №4 پەرزەنتحانىڭ باس دارىگەرى زيادا بەكەت قىزىنىڭ ايتۋىنشا، بۇگىنگى ءوتىپ جاتقان ءماجىلىس پەن ءماسليحات دەپۋتتاتارىنىڭ سايلاۋىنا پەرزەنتحانادا بارلىق جاعداي جاسالعان.
عازيزا قىدىرالى، جاس انا:
– مەن تۇركسىب اۋدانىنىڭ تۇرعىنىمىن. بۇل سايلاۋ مەن ءۇشىن ەرەكشە بولىپ وتىر. قىزىم دۇنيەگە كەلىپ، وتباسىمىزدا ۇلكەن قۋانىش. بۇگىن مەن قازاقستاننىڭ ازاماتى رەتىندە ءوز تاڭداۋىمدى جاسادىم. بالالارىمىزدىڭ بولاشاعى ءۇشىن، جاڭا قازاقستاننىڭ وركەندەۋى ءۇشىن داۋىس بەردىم. اشىق دەموكراتيالىق قوعام قۇرامىز دەپ سەنەمىن. ءار ازامات سايلاۋدىڭ وتۋىنە سەبەپكەر دەپ ويلايمىن.