اشىق ەسىك كۇنى ءداستۇرلى تۇردە قازاقستان پوليسياسى كۇنىنە وراي وتكىزىلدى، دەپ حابارلايدى Almaty-akshamy.kz
«ءىس-شارانىڭ ماقساتى – وسكەلەڭ ۇرپاقتىڭ قالا پوليسياسى قىزمەتىنىڭ وقيعالى تاريحىن زەردەلەۋ، ىشكى ىستەر ورگاندارىنىڭ قىزمەتىن كەڭىنەن ناسيحاتتاۋ، قازاقستان رەسپۋبليكاسى پوليسەيىنىڭ وڭ ءيميدجىن قالىپتاستىرۋ، ءوز حالقىنا دەگەن ماقتانىش سەزىمىن، وتانعا دەگەن سۇيىسپەنشىلىكتە تاربيەلەۋ، قوعام يگىلىگى مەن وتاننىڭ گۇلدەنۋى ءۇشىن ەڭبەك ەتۋگە ۇمتىلۋ. سونىمەن قاتار، بۇل ناۋقان ىشكى ىستەر ورگاندارى قاتارىنا قوسىلعىسى كەلەتىن ورتا مەكتەپتە وقيتىن جوعارعى سىنىپ وقۋشىلارى اراسىندا پوليسيا قىزمەتىن ناسيحاتتاۋ ماقساتىندا دا وتكىزىلىپ وتىر. پوليسيا قىزمەتى تۋرالى تولىعىراق بىلگەن كەيبىر ۇلدار بولاشاقتا وسى ماماندىقپەن تىعىز بايلانىستا بولىپ، ءتارتىپ پەن ازاماتتاردىڭ ءال-اۋقاتىن كۇزەتۋگە بەل بۋعاندىعى قۋانتادى. كىم بىلەدى، ولاردىڭ اراسىندا بولاشاعىمىزدىڭ قاھارماندارى دا بار شىعار»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
پد-نىڭ عيماراتىنىڭ الدىنا قۇرال-جابدىقتار ورنالاستىرىلدى. ونىڭ كومەگىمەن پوليسيا قىلمىسپەن كۇرەسىپ، قالاداعى ءتارتىپتى قامتاماسىز ەتەدى. مۋزەيدە بالالار بەيبىت ۋاقىتتا ازاماتتىق بورىشىن وتەۋ كەزىندە قازا تاپقان ناعىز باتىرلار تۋرالى ماعلۇمات الدى.