الماتىدا روزىباكييەۆ كوشەسىندەگى Mega Alma-Ata ساۋدا ورتالىعىنا جارىلعىش زات قويىلعانى تۋرالى ءانونيمدى حابارلاما ءتۇسىپ، كەلۋشىلەر مەن قىزمەتكەرلەر شۇعىل ەۆاكۋاسيالاندى، دەپ حابارلايدى اqshamnews.kz ءتىلشىسى.
قالالىق پوليسيا دەپارتامەنتىنىڭ مالىمەتىنشە، اقپارات تۇسكەن ساتتەن باستاپ بارلىق جەدەل قىزمەتتەر مەن ارنايى بولىمشەلەر وقيعا ورنىنا جۇمىلدىرىلعان. ساۋدا ورتالىعىنىڭ اۋماعى قورشاۋعا الىنىپ، عيماراتتى كوميسسيالىق تەكسەرۋدەن وتكىزۋ ءۇشىن ساپەرلەر مەن ماماندار شاقىرىلعان.
قازىرگى ۋاقىتتا قۇقىق قورعاۋ ورگاندارى جالعان حابارلاما تاراتقان ادامنىڭ جەكە باسىن انىقتاپ جاتىر. پوليسيا ونىڭ ارەكەتىنە قازاقستان رەسپۋبليكاسىنىڭ زاڭناماسىنا سايكەس قىلمىستىق جانە اكىمشىلىك جاۋاپكەرشىلىك قاراستىرىلاتىنىن ەسكەرتتى.
ۆەدومستۆو تۇرعىنداردى سابىر ساقتاۋعا، قۇقىق قورعاۋ ورگاندارى قىزمەتكەرلەرىنىڭ زاڭدى تالاپتارىن ورىنداۋعا جانە قاۋىپسىزدىك قىزمەتتەرىنىڭ نۇسقاۋلارىن قاتاڭ ساقتاۋعا شاقىردى.