اقتوبە وبلىسىندا پايدالانىلماي جاتقان اۋىل شارۋاشىلىعى ماقساتىنداعى 500 مىڭ گەكتاردان استام جەر مەملەكەت مەنشىگىنە قايتارىلدى. بۇل تۋرالى اۋىل شارۋاشىلىعى ماقساتىنداعى جەرلەردى ءتيىمدى پايدالانۋ ماسەلەلەرىنە ارنالعان جيىن بارىسىندا ايتىلدى، دەپ حابارلايدى almaty-akshamy.kz قازاقپاراتقا سىلتەمە جاساپ.
اۋىل شارۋاشىلىعى باسقارماسىنىڭ مالىمەتىنشە، اقتوبە وبلىسىندا اۋىل شارۋاشىلىعى جەرلەرىنىڭ جالپى كولەمى 26،5 ميلليون گەكتاردان استام، ونىڭ ىشىندە جايىلىمدىق جەرلەر – 24،8 ملن گەكتاردى قۇرايدى. اۋىل شارۋاشىلىعى اينالىمىنا 12،5 ملن گەكتاردان استام جەر پايدالانىلادى. پايدالانىلماي جاتقان اۋىل شارۋاشىلىعى جەرلەرىنىڭ 524،8 مىڭ گەكتارى جالعا بەرۋ شارتتارىن مەرزىمىنەن بۇرىن بۇزۋ ارقىلى مەملەكەتتىك جەر قورىنا قايتارىلدى، ونىڭ 39،2 مىڭ گەكتارى – ەگىستىك جەرلەر.
«اۋىل شارۋاشىلىعى قورىنىڭ پايدالانىلماي جاتقان جەرلەرىن انىقتاپ، مەملەكەت پايداسىنا الىپ قويۋمەن بىرگە، ونىڭ ۇتىمدى پايدالانىلۋىن قامتاماسىز ەتۋ قاجەت»، - دەدى وبلىس اكىمى وڭداسىن ورازالين.
ايتا كەتەيىك، قازىرگى كەزدە اقتوبە وبلىسىنداعى ەلدىمەكەندەردىڭ جالپى جايىلىمدىق كولەمى 3،8 ملن گەكتاردى قۇرايدى.