جانارماي قۇيىلعان اۆتوسيستەرناداعى ءورت تولىق ءسوندىرىلدى. توتەنشە جاعداي قىزمەتكەرلەرى جارىلىستىڭ الدىن الدى، دەپ حابارلايدى almaty-akshamy.kz
«ەسكە سالايىق، بۇگىن كەشكى ساعات 20:10 شاماسىندا تجد قىزمەتكەرلەرى «جەتىسۋ اۋدانى، انگارسكايا كوشەسى، 97 ا» مەكەنجايىنا باردى. سەگىز مينۋتتا وقيعا ورنىنا كەلگەن ولار جانارماي قۇيىلعان اۆتوسيستەرنانىڭ جانىپ جاتقانىن انىقتادى. ءورت ەكى تەمىرجول سيستەرناسىنا تاراپ ۇلگەرگەن. جەكە قۇرام ارنايى قاۋىپسىزدىك شارالارىن ساقتاي وتىرىپ جۇمىس ىستەدى. قابىلدانعان جەدەل شارالاردىڭ ارقاسىندا ءورت 21:20 مينۋتتا وقشاۋلانىپ، 21:51-دە تولىق جويىلدى» دەپ حابارلادى دەپارتامەنتتىڭ باسپا ءسوز قىزمەتى.
ءورتتى سوندىرۋگە 28 تەحنيكا مەن جەكە قۇرامنىڭ 80 ادامى جۇمىلدىرىلدى. قىزىل جالىن 80 شارشى مەتر اۋماقتى شارپىدى.
«ءورت سوندىرۋشىلەر ومىرىنە ءقاۋىپ تونسە دە، جانار-جاعارمايى بار 10 رەزەرۆۋارعا، ياعني (150 توننالىق - 4، 80 توننالىق - 5، 50 توننالىق - 1) ءورتتىڭ تارالۋىنا جول بەرمەدى. سونداي-اق جاقىن ماڭداعى ونەركاسىپتىك ايماقتى قورعاپ قالدى»،- دەپ اتاپ ءوتتى ۆەدومستۆودان.