تەننيسكە ءساۋىر ايىندا ورالۋدى كوزدەپ وتىر.
قازاقستاندىق زارينا دياس تەننيسكە جارتى جىلدان كەيىن قايتا ورالماقشى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسىنان ءمالىم ەتكەندەي، دياس وسىعان بايلانىستى ءوز پىكىرىن بولىسكەن.
«وتكەن جىل مەن ءۇشىن كۇردەلى بولدى. دەنساۋلىعىما وراي قيىندىقتار تۋىنداپ، ءۇزىلىس الۋىما تۋرا كەلدى. سوندىقتان رەيتينگىم دە تومەندەپ كەتتى. ءقازىر قالپىما كەلىپ جاتىرمىن، دەنساۋلىعىم جاقسارىپ قالدى. تەننيس، تۋرنير، جانكۇيەرلەردى ساعىندىم. تەننيسكە ءساۋىر ايىندا ورالۋدى كوزدەپ وتىرمىن. ءبارىڭىزدى جاڭا جىلمەن قۇتتىقتاپ، تىنىشتىق، اشىق اسپان، بارشا جاقسىلىقتى تىلەيمىن»، - دەدى ز.دياس.
ەسكە سالا كەتەيىك، بۇدان بۇرىن ەلەنا رىباكينانىڭ ادەلايدا ءتۋرنيرىنىڭ شيرەك فينالىنا شىعا الماعانىن جازعان بولاتىنبىز.
سونداي-اق ديەۆيس كۋبوگىنىڭ ىرىكتەۋ ماچىنا قاتىساتىن قازاقستان قۇراماسى انىقتالدى.