سۋ ايدىندارىنداعى دەمالىس پوليسيا قىزمەتكەرلەرىنىڭ نازارىندا.
كۇندەلىكتى رەيدتەر ازاماتتارعا قاۋىپسىزدىك شارالارىن ەسكە سالۋعا كومەكتەسەدى، دەپ حابارلايدى aqshamnews.kz Polisia.kz-كە سىلتەمە جاساپ.
تالداۋ كورسەتكەندەي، جاز مەزىگىلىندە سۋ قويمالارىندا وقىس وقيعالاردان قازا تاباتىن بالالاردىڭ سانى ارتادى. جىل باسىنان بەرى 85 ادام سۋعا كەتكەن، ونىڭ ىشىندە 35 بالا بار (6 اي ىشىندە). قايعىلى جاعدايلار بالالاردى قاراۋسىز قالدىرۋ مەن سۋعا تۇسۋگە جابدىقتالماعان جەرلەردە شومىلۋ سالدارىنان ورىن الىپ جاتادى. ىشكى ىستەر مينيسترلىگى اكىمدىكتەرمەن جانە توتەنشە جاعدايلار مينيسترلىگىمەن بىرلەسىپ، سۋ ايدىندارىندا قاۋىپسىزدىكتى قامتاماسىز ەتۋ جونىندە شارالار قابىلداپ جاتىر.
ايتا كەتەتىنى، زاڭنامادا تىيىم سالىنعان جەرلەردە شومىلعانى ءۇشىن اكىمشىلىك جاۋاپكەرشىلىك قاراستىرىلعان. جىل باسىنان بەرى بۇل ءۇشىن ەكى مىڭعا جۋىق قۇقىق بۇزۋشى جاۋاپقا تارتىلدى. جازاتايىم وقيعالاردى بولدىرماۋ ءۇشىن ءتارتىپ ساقشىلارى تۇرعىندارعا ارنايى جابدىقتالعان ورىنداردا شومىلۋعا كەڭەس بەرەدى.