قازاقستاندا بۋكمەكەرلىك كەڭسەلەر مەن توتاليزاتورلار جارناماسىنا جاڭا شەكتەۋلەرمەن ايىپپۇلدار كۇشىنە ەندى، دەپ حابارلايدى aqshamnews.kz⠀
قازاقستان رەسپۋبليكاسى تۋريزم جانە سپورت مينيسترلىگى ويىن بيزنەسىن جانە لوتەرەيانى رەتتەۋ كوميتەتى 2024 جىلعى 9 قىركۇيەكتەن باستاپ قازاقستان رەسپۋبليكاسىنىڭ اۋماعىندا بۋكمەكەرلىك كەڭسەلەر مەن توتاليزاتورلاردىڭ جارناماسىنا قاتىستى قاتاڭ شەكتەۋلەر ەنگىزىلگەنىن حابارلايدى. كاسىپكەرلەر تاراپىنان تۋىنداعان سۇراقتارعا بايلانىستى ۆەدومستۆو تومەندەگى مالىمەتتەردى ۇسىنادى. ⠀
جارنامانى ورنالاستىرۋعا تىيىم سالۋ:
سىرتقى جارناما: كوشەلەردە، عيماراتتاردىڭ قاسبەتتەرىندە، كولىك قۇرالدارىندا جانە سىرتقى قۇرىلىمداردا جارناماعا تولىق تىيىم سالىنعان. بۇل ەرەجەنىڭ بۋكمەكەرلىك كەڭسەلەردىڭ نەمەسە توتاليزاتورلاردىڭ ورنالاسقان جەرلەرىنە، سپورت عيماراتتارىنىڭ ىشىنە جانە سپورتشىلاردىڭ كيىمدەرىنە قاتىسى جوق. بۋكمەكەرلىك كەڭسەلەردىڭ لوگوتيپتەرى مەن ساۋدا بەلگىلەرىن باسقا بيزنەس سالالارىنىڭ جارناماسىندا قولدانۋعا بولمايدى. ⠀
بۇقارالىق اقپارات قۇرالدارى: ەلىمىزدەگىسپورت تەلەارنالارىن قوسپاعاندا، كينوتەاترلاردا، انىقتاما كىتاپتارىندا جانە جالپى باق-تا جارنامالاۋعا تىيىم سالىنادى. «حابار» جانە Qazaqstan سياقتى جالپى مازمۇنداعى تەلەارنالار حالىقارالىق سپورتتىق ءىس-شارالاردىڭ تىكەلەي كورسەتىلىمدەرى كەزىندە عانا بۋكمەكەرلىك كەڭسەلەردى جارنامالاۋعا قۇقىلى. ⠀
كولىك: كولىك قۇرالدارىندا جارناما ورنالاستىرۋعا تولىق تىيىم سالىنعان. ⠀
جارناما رۇقسات ەتىلگەن سپورتتىق ب ا ق: بۋكمەكەرلەردى جارنامالاۋعا تەك سپورت تاقىرىبىنا ارنالعان جانە زاڭ بويىنشا تىركەلگەن سپورت تەلەارنالارى مەن باق-قا رۇقسات ەتىلەدى. ⠀
سپورتتىق ءىس-شارالار مەن كيىمدەر: بۋكمەكەرلەردىڭ لوگوتيپتەرى مەن ساۋدا بەلگىلەرى سپورتشىلاردىڭ سپورتتىق كيىمدەرى مەن سپورتتىق قۇرال-جابدىقتارىندا ورنالاستىرىلۋى مۇمكىن. ⠀
ەرەكشەلىكتەر: حالىقارالىق سپورتتىق ءىس-شارالاردىڭ تىكەلەي ترانسلياسياسى: بۋكمەكەرلەردىڭ جارناماسى جالپى مازمۇنداعى تەلەارنالاردا تەك حالىقارالىق سپورتتىق جارىستاردىڭ تىكەلەي ترانسلياسيالارى كەزىندە عانا رۇقسات ەتىلەدى. ترانسلياسياعا دەيىن جانەكەيىن جارنامالاۋعا تىيىم سالىنادى. ⠀
تۋرنيرلەر مەن وبەكتىلەردىڭ اتاۋى: بۋكمەكەرلىك كەڭسەلەردىڭ تاۋار بەلگىلەرىن زاڭناما ساقتالعان جاعدايدا سپورتتىق تۋرنيرلەردىڭ، وبەكتىلەر مەن جوبالاردىڭ رەسمي اتاۋلارىنا ەنگىزۋگە رۇقسات ەتىلەدى. ⠀
ەرەجە بۇزعانى ءۇشىن سالىناتىن ايىپپۇلدار بۋكمەكەرلىك كەڭسەلەردى نەمەسە توتاليزاتورلاردى جارنامالاۋ تۋرالى زاڭناما تالاپتارىن ساقتاماۋ اكىمشىلىك ايىپپۇلدارعا اكەپ سوعادى: ⠀
ءبىرىنشى رەت ەرەجە بۇزعانى ءۇشىن: جەكە تۇلعالار – 60 اەك، لاۋازىمدى تۇلعالار – 80 اەك، شاعىن كاسىپكەرلىك جانە كەۇ سۋبەكتىلەرى – 120 اەك، ورتا بيزنەس سۋبەكتىلەرى – 170 اەك، ءىرى بيزنەس – 400 اەك. ⠀
ءبىر جىل ىشىندە قايتالانعان جاعدايدا: جەكە تۇلعالار – 170 اەك، لاۋازىمدى تۇلعالار – 200 اەك، شاعىن كاسىپكەرلىك جانە كەۇ سۋبەكتىلەرى – 250 اەك، ورتا بيزنەس سۋبەكتىلەرى – 350 اەك جانە ءىرى بيزنەس – 650 اەك. ⠀
زاڭناما نورمالارىن بۇزعانى ءۇشىن جارناما بەرۋشى، جارنامانى شىعارۋشى جانە جارنامانى تاراتۋشى جاۋاپتى بولادى. ⠀ قازاقستان رەسپۋبليكاسى تۋريزم جانە سپورت مينيسترلىگى ازاماتتارعا جارناما زاڭناماسىن بۇزۋ فاكتىسىن بايقاسا، كوميتەتتىڭ ونلاين قابىلداۋىنا شاعىم جولداي الاتىنىن ەسكەرتەدى. ۆەدومستۆو قاجەتتى شارالار قابىلدايدى.